நிலவில் நிரந்தர ஆராய்ச்சி மையம்... ரூ.1.86 லட்சம் கோடி ஒதுக்கீடு செய்து நாசா அதிரடி!

பூமியின் ஒரே துணைக்கோளான நிலவில் மனிதர்கள் வாழ்வதற்குத் தேவையான தண்ணீர் வசதி மற்றும் இதர சூழல்கள் உள்ளதா என்பது குறித்து உலக நாடுகளின் விஞ்ஞானிகள் தொடர்ந்து பல்வேறு ஆய்வுகளை மேற்கொண்டு வருகின்றனர். குறிப்பாக அமெரிக்க விண்வெளி ஆய்வு மையமான நாசா கடந்த ஆயிரத்து தொள்ளாயிரத்து எழுபதாம் ஆண்டிற்குப் பிறகு மீண்டும் மனிதர்களை நிலவுக்கு அனுப்பும் பணிகளில் தீவிரமாக ஈடுபட்டு வந்தது. இதற்காக உருவாக்கப்பட்ட விண்கலத்தில் திடீரென தொழில்நுட்பக் கோளாறு ஏற்பட்டதால் அந்தத் திட்டம் தற்காலிகமாகத் தள்ளி வைக்கப்பட்டுள்ளதாகத் தகவல்கள் வெளியாகியுள்ளன.

நிலவைச் சுற்றி விண்வெளி நிலையம் ஒன்றை அமைக்க முதலில் திட்டமிட்டிருந்த நாசா தற்போது அந்த முடிவைக் கைவிடுவதாக அதிகாரப்பூர்வமாக அறிவித்துள்ளது. அதற்குப் பதிலாக நிலவின் மேற்பரப்பிலேயே நாசாவுக்கான நிரந்தரமான ஆராய்ச்சி மையம் ஒன்றினை அமைக்கப் புதிய இலக்கை நிர்ணயித்துள்ளது. விண்வெளி வீரர்கள் தங்கி நீண்ட காலம் ஆய்வு செய்வதற்கு ஏதுவாக இந்த மையம் அமையும் என்றும் இதன் மூலம் நிலவு குறித்த கூடுதல் ரகசியங்களைக் கண்டறிய முடியும் எனவும் விஞ்ஞானிகள் நம்பிக்கை தெரிவித்துள்ளனர்.

இந்த பிரம்மாண்டமான திட்டத்திற்காக அமெரிக்க அரசு சார்பில் சுமார் ஒரு லட்சத்து எண்பத்தி ஆறாயிரம் கோடி ரூபாய் நிதி ஒதுக்கீடு செய்யப்பட்டுள்ளது. வரும் இரண்டாயிரத்து முப்பதாம் ஆண்டிற்குள் நிலவில் இந்த ஆராய்ச்சி மையத்தை அமைத்து முடிக்கத் திட்டமிட்டுள்ளதாக அதன் தலைவர் ஜேரட் ஐசன்மேன் தெரிவித்துள்ளார். விண்வெளி ஆராய்ச்சியில் மைல்கல்லாகக் கருதப்படும் இந்த நடவடிக்கை மனித இனம் நிலவில் தடம் பதிப்பதற்கான அடுத்த கட்ட நகர்வாகப் பார்க்கப்படுகிறது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!