மாணவர்கள் கடத்தல் எதிரொலி: நைஜீரியாவில் தேசிய அவசர நிலை அறிவிப்பு
ஆப்பிரிக்க நாடான நைஜீரியாவில் அண்மைக் காலமாக மாணவர்கள் கடத்தப்படும் சம்பவங்கள் அதிகரித்துள்ளதைத் தொடர்ந்து, மக்களின் பாதுகாப்பைக் கருத்தில் கொண்டு நாடு முழுவதும் தேசிய அவசர நிலை அறிவிக்கப்பட்டுள்ளது. இந்த அதிரடி முடிவால், நாட்டின் பாதுகாப்பு நடவடிக்கைகள் மேலும் தீவிரப்படுத்தப்பட்டுள்ளன.
நைஜீரியாவில் பல்வேறு ஆயுதக் கும்பல்கள் செயல்பட்டு வருகின்றன. இந்தக் கும்பல்கள் பள்ளி மாணவர்கள் மற்றும் அப்பாவிப் பொதுமக்களைக் கடத்திச் சென்று, பின்னர் அவர்களை விடுவிக்கப் பணம் கேட்டு மிரட்டுவதைச் சமீப காலமாக வாடிக்கையாகக் கொண்டுள்ளன. இதன் தொடர்ச்சியாக, கடந்த வாரம் மட்டும் தனித்தனி சம்பவங்களில் 300க்கும் மேற்பட்ட பள்ளி மாணவர்கள் கடத்திச் செல்லப்பட்டனர். இந்த நிகழ்வு நைஜீரியாவில் மட்டுமின்றி உலக நாடுகளிடையேயும் பெரும் பரபரப்பையும் அதிர்ச்சியையும் ஏற்படுத்தியுள்ளது.
கடத்திச் செல்லப்பட்ட மாணவர்களை மீட்கும் நடவடிக்கையில் பாதுகாப்புப் படைகள் ஈடுபட்டுள்ளன. கெபி மாகாணத்தில் கடத்திச் செல்லப்பட்ட 24 மாணவர்கள் அதிர்ஷ்டவசமாகப் பத்திரமாக மீட்கப்பட்டுள்ளனர். இருப்பினும், நைஜர் மாகாணத்தில் நிகழ்ந்த கடத்தல் சம்பவத்தில், இதுவரை சுமார் 50 பேர் மட்டுமே மீட்கப்பட்டு போலீசாரிடம் தஞ்சம் அடைந்துள்ளனர். மீதமுள்ள மாணவர்களைத் தேடும் பணி தொடர்ந்து நடைபெற்று வருகிறது.
இந்தச் சூழலில், பொதுமக்களின் பாதுகாப்பை உறுதி செய்வதற்காக நைஜீரிய அரசு தேசிய அவசர நிலையை அறிவித்துள்ளது. நாட்டின் பாதுகாப்பு அச்சுறுத்தல் நிறைந்த பகுதிகளுக்குப் பாதுகாப்புப் பணிகளை பலப்படுத்த அதிபர் போலா டினுபு தலைமையிலான அரசு முக்கிய முடிவுகளை எடுத்துள்ளது.
அரசியல்வாதிகள் மற்றும் முக்கியப் பிரமுகர்களின் பாதுகாப்புப் பணியில் இருந்த சுமார் ஒரு லட்சம் பேரை, இப்போது பாதுகாப்பு அச்சுறுத்தல் அதிகம் உள்ள இடங்களுக்குப் பணியிட மாற்றம் செய்ய அரசு முடிவு செய்துள்ளது. இதன் மூலம் பொதுமக்களுக்கான பாதுகாப்புப் பிணை பலப்படுத்தப்படும்.
மேலும், நாட்டில் நிலவும் அசாதாரண சூழ்நிலையைக் கருத்தில் கொண்டு, சுமார் 50 ஆயிரம் புதிய போலீசாரை உடனடியாகப் பணியமர்த்த வேண்டும் என்று காவல்துறைக்கு அதிபர் டினுபு உத்தரவிட்டுள்ளார். தேசிய அவசர நிலை அறிவிக்கப்பட்டிருப்பதன் மூலம், ஆயுதக் கும்பல்களின் அச்சுறுத்தலைச் சமாளிக்கவும், மாணவர்கள் மற்றும் பொதுமக்கள் அச்சமின்றி வாழவும் தேவையான பாதுகாப்பை வழங்க அரசு தீவிரமாக உள்ளது என்பது புலனாகிறது.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!