வேட்பு மனு நிராகரிக்கப்பட்டதால் விபரீதம்... தேர்தல் அலுவலகம் முன்பு சுயேச்சை வேட்பாளர் தீக்குளிக்க முயற்சி...!

தமிழக சட்டமன்றத் தேர்தலுக்கான வேட்புமனுக்கள் பரிசீலனை முடிந்து, மனுக்களை வாபஸ் பெற இன்று கடைசி நாள் என்பதால் தேர்தல் களம் சூடுபிடித்துள்ளது. இந்நிலையில், சோழிங்கநல்லூர் தொகுதியில் சுயேச்சையாகப் போட்டியிட மனுத் தாக்கல் செய்திருந்த மேடவாக்கத்தைச் சேர்ந்த ஆட்டோ டிரைவர் தனசேகர் என்பவரது மனு நிராகரிக்கப்பட்டது. இதனால் கடும் மன உளைச்சலுக்கு ஆளான அவர், சோழிங்கநல்லூர் தேர்தல் அலுவலகத்தில் அதிகாரிகளுடன் வாக்குவாதத்தில் ஈடுபட்டதுடன், திடீரென உடலில் பெட்ரோல் ஊற்றித் தீக்குளிக்க முயன்ற சம்பவம் பெரும் பரபரப்பை ஏற்படுத்தியுள்ளது.

நேற்று மதியம் தனது ஆட்டோவில் தேர்தல் அலுவலகத்திற்கு வந்த தனசேகர், ஆவேசமாக ஆட்டோ கண்ணாடியைக் கையால் உடைத்துத் தன்னைத்தானே காயப்படுத்திக் கொண்டார். பின்னர் மறைத்து வைத்திருந்த பெட்ரோல் கேனை எடுத்து உடலில் ஊற்ற முயன்றபோது, அங்கிருந்த செம்மஞ்சேரி போலீசார் துரிதமாகச் செயல்பட்டு அவரைத் தடுத்து நிறுத்தினர். கையில் காயமடைந்த அவரை மீட்ட போலீசார், சிகிச்சைக்காக ராயப்பேட்டை அரசு மருத்துவமனைக்கு அனுப்பி வைத்தனர். போலீசாரின் இந்தச் சமயோசித நடவடிக்கையால் பெரும் அசம்பாவிதம் தவிர்க்கப்பட்டது.

வேட்புமனு நிராகரிப்பு குறித்து விளக்கமளித்த தேர்தல் அதிகாரி, தனசேகர் தனது மனுவில் கேட்கப்பட்டிருந்த முழு விவரங்களையும் முறையாகப் பூர்த்தி செய்யவில்லை என்று தெரிவித்தார். மேலும், ஒரு சுயேச்சை வேட்பாளருக்குத் தேவையான போதுமான சாட்சியாளர்களின் பரிந்துரை அவரது மனுவில் இல்லை என்பதும் சுட்டிக்காட்டப்பட்டது. விதிமுறைகளின்படியே மனு நிராகரிக்கப்பட்டதாக அதிகாரிகள் தரப்பில் கூறப்பட்டாலும், இந்தத் தற்கொலை முயற்சி காரணமாகச் சோழிங்கநல்லூர் தேர்தல் அலுவலகப் பகுதியில் கூடுதல் போலீசார் பாதுகாப்புப் பணியில் ஈடுபடுத்தப்பட்டுள்ளனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!