கொடூரம்.. பணத்திற்காக மூதாட்டியைத் தாக்கி பாலியல் பலாத்காரம்.. - மேளம் அடிக்கும் வாலிபர் கைது!

வேலூர் மாவட்டம் குடியாத்தம் அருகே, மது போதையில் வாலிபர் ஒருவர் செய்த அராஜகம் ஒட்டுமொத்த தமிழகத்தையும் அதிர்ச்சியில் ஆழ்த்தியுள்ளது. வீட்டில் தனியாக இருந்த மூதாட்டி என்றும் பாராமல், அவரைத் தாக்கி பாலியல் வன்கொடுமை செய்த கொடூர சம்பவம் பெரும் பரபரப்பை ஏற்படுத்தியுள்ளது.குடியாத்தத்தை அடுத்த பெரிய பரவக்கல் பகுதியைச் சேர்ந்தவர் அஜித்குமார் (24). மேளம் அடிக்கும் தொழிலாளியான இவருக்குத் தீவிர மதுப்பழக்கம் இருந்துள்ளது. கடந்த 22-ம் தேதி, அதே பகுதியைச் சேர்ந்த 77 வயது மூதாட்டி ஒருவரின் வீட்டிற்குச் சென்ற அஜித்குமார், மது குடிக்கச் செலவுக்குப் பணம் கேட்டுள்ளார். மூதாட்டி தன்னிடம் பணம் இல்லை என்று கூறியதால் ஆத்திரமடைந்த அஜித்குமார், அவர் முதியவர் என்றும் பாராமல் அவரை அடித்துத் துன்புறுத்தியுள்ளார்.

மது போதையில் இருந்த அஜித்குமார், பணத்திற்காக மூதாட்டியைத் தாக்கியதோடு மட்டுமன்றி, அவரை பாலியல் பலாத்காரமும் செய்துள்ளார். இதில் அந்த மூதாட்டி நிலைகுலைந்து மயக்கமடைந்தார். அவர் இறந்துவிட்டதாக நினைத்த அஜித்குமார் அங்கிருந்து தப்பிச் சென்றுவிட்டார். மறுநாள் காலை, மூதாட்டியின் உறவினர் வந்து பார்த்தபோது, அவர் காயங்களுடன் மயங்கிக் கிடப்பதைக் கண்டு அதிர்ச்சியடைந்துள்ளார்.
முதலில் சிகிச்சைக்காக மருத்துவமனையில் அனுமதிக்கப்பட்ட மூதாட்டி, ஆரம்பத்தில் பயத்தின் காரணமாகத் தன்னைத் தாக்கியது பற்றி மட்டுமே கூறியுள்ளார். ஆனால் வீட்டிற்குத் திரும்பிய பிறகு நள்ளிரவில் பயந்து அலறியதுடன், உடல் வலியால் துடித்துள்ளார். மகளின் தொடர் விசாரணையில், அஜித்குமார் தன்னை நகத்தால் கீறியும், பாலியல் ரீதியாகத் துன்புறுத்தியும் சித்ரவதை செய்ததை அழுது கொண்டே கூறியுள்ளார்.

உடனடியாக இது குறித்து குடியாத்தம் தாலுகா காவல் நிலையத்தில் புகார் அளிக்கப்பட்டது. குடியாத்தம் துணை போலீஸ் சூப்பிரண்டு சுரேஷ் அவர்களின் உத்தரவின் பேரில், இன்ஸ்பெக்டர் சிவசங்கரன் தலைமையிலான போலீசார் விரைந்து செயல்பட்டு அஜித்குமாரைக் கைது செய்தனர். பாதிக்கப்பட்ட மூதாட்டி தற்போது அரசு மருத்துவமனையில் தீவிர சிகிச்சைப் பிரிவில் அனுமதிக்கப்பட்டுள்ளார்.பெண்களுக்குப் பாதுகாப்பு என்பது வெறும் சட்டங்களால் மட்டும் வந்துவிடாது என்பதற்கு இச்சம்பவம் ஒரு கசப்பான உதாரணம். மது போதை ஒரு மனிதனை எந்தக் கீழ்த்தரமான நிலைக்குக் கொண்டு செல்லும் என்பதை இது உணர்த்துகிறது. குற்றவாளிக்குக் கடுமையான தண்டனை வழங்கப்பட வேண்டும் என்பதே அப்பகுதி மக்களின் ஒட்டுமொத்த கோரிக்கையாக உள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!