பரபரப்பு... ட்ரம்பை சந்திக்கும் பாகிஸ்தான் ராணுவத் தளபதி... பத்திரிகையாளர்களுக்கு அனுமதி இல்லை!

இந்தியா - பாகிஸ்தான்   போரைத் தொடர்ந்து, தற்போது  இஸ்ரேல் மற்றும் ஈரான் இடையே கடுமையான சண்டை நடைபெற்று வருகிறது. அமெரிக்க அதிபர் ட்ரம்ப்  இந்தியா- பாகிஸ்தான் இடையேயான சண்டையை மத்தியஸ்தம் செய்து நிறுத்தியதாக மீண்டும் மீண்டும் கூறிவந்தார்.  தற்போது இஸ்ரேல் - ஈரான் இடையேயான போரை நிறுத்த பல்வேறு நடவடிக்கைகளைத் தொடர்ந்து மேற்கொண்டு வருகிறார். 

இந்நிலையில்  ஜி7 மாநாட்டில் இருந்து பாதியில் அதிபர் டிரம்ப் வெளியேறினார். 5 நாள்கள் சுற்றுப்பயணமாக அமெரிக்கா சென்றுள்ள பாகிஸ்தான் ராணுவத் தளபதி அசீம் முனீரை இன்று ஜூன் 18ம் தேதி புதன்கிழமை வெள்ளை மாளிகையில் சந்திக்கும் அதிபர் டிரம்ப், அவருடன் மதிய உணவு விருந்து சாப்பிடுவார்  எனத் தகவல்கள் தெரிவிக்கின்றன. இந்தச் சந்திப்பில் பத்திரிகையாளர்களுக்கு அனுமதி கிடையாது எனவும்  தெரிவிக்கப்பட்டுள்ளது.

அதிபர் டிரம்ப் மற்றும் அசீம் முனீர் இடையேயான சந்திப்பு, பொது அட்டவணையின்படி, வெள்ளை மாளிகை அமைச்சரவை அறையில் பிற்பகல் 1 மணிக்கு திட்டமிடப்பட்டுள்ளது. தனது அமெரிக்கப் பயணத்தின் போது பாகிஸ்தான் ராணுவத் தளபதி அசீம் முனீர், அமெரிக்க வெளியுறவுச் செயலாளர் மார்கோ ரூபியோ மற்றும் பாதுகாப்புச் செயலாளர் பீட் ஹெக்செத் ஆகியோரையும் சந்திப்பார் எனத் தகவல்கள் தெரிவிக்கின்றன.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க நட்சத்திரத்துக்கு லாபம் தரும் துறை எது