பிரபல பெண் யூடியூபர் பாகிஸ்தானுக்கு உளவு வேலை பார்த்ததாக கைது!
இந்தியாவில் ஏப்ரல் 22ம் தேதி தீவிரவாதிகள் நடத்திய திடீர் தாக்குதலில் 26 பேர் சுட்டுக் கொல்லப்பட்டனர். இதற்கு பதிலடியாக ஆபரேஷன் சிந்தூர் மூலம் இந்தியா தீவிரவாதிகள் முகாம்களை தாக்கி அழித்தது. இந்நிலையில் ஆபரேஷன் சிந்தூர் தொடங்கப்பட்டதிலிருந்து இந்தியாவை உளவு பார்த்ததாகவும், பாகிஸ்தானின் ஐஎஸ்ஐக்கு தகவல்களை வழங்கியதாகவும் கூறி, ஹரியானாவில் இதுவரை 6 பேர் கைது செய்யப்பட்டுள்ளனர். இவர்களில் பிரபல பெண் யூடியூபர் ஒருவரும் அடங்குவார்.
கைது செய்யப்பட்ட இந்த அனைவரும் ஐ.எஸ்.ஐ.யுடன் தொடர்ந்து தொடர்பில் இருந்ததாகவும், எதிரிக்கு தகவல்களை வழங்கியதாகவும் போலீசார் தகவல் தெரிவித்துள்ளனர். கைதாலில் ஒருவர், பானிபட்டில் ஒருவர், நுஹ் பகுதியில் ஒருவர் கைது செய்யப்பட்டனர், ஹிசாரில் இருந்து ஒரு பெண் யூடியூபர் ஜோதி மல்ஹோத்ரா கைது செய்யப்பட்டனர்.
பின்னர் அவர் நீதிமன்றத்தில் ஆஜர்படுத்தப்பட்டார், நீதிமன்றம் அவரை 5 நாள் போலீஸ் காவலில் வைக்க உத்தரவிட்டது. மல்ஹோத்ராவுக்கு இன்ஸ்டாகிராமில் 132,000 பின்தொடர்பவர்களும் உள்ளனர். இந்த ஆண்டு மார்ச் மாதம் பாகிஸ்தானுக்கு மேற்கொண்ட பயணம் குறித்த வீடியோக்களையும் அவர் வெளியிட்டார். ஹரியானா காவல்துறையின் கூற்றுப்படி, ஜோதி மல்ஹோத்ரா மூன்று முறை பாகிஸ்தானுக்குச் சென்றுள்ளார். அவரது பாஸ்போர்ட்டை போலீசார் பறிமுதல் செய்துள்ளனர்.ஒரு தகவலின் படி, சிங் பஞ்சாபில் கல்லூரி மாணவராக இருந்தார் 2024 நவம்பரில் பாகிஸ்தானில் உள்ள நங்கனா சாஹிப் குருத்வாராவிற்கு யாத்திரை மேற்கொண்டார். அங்கு அவருக்கு பாகிஸ்தான் உளவுத்துறை அதிகாரிகளுடன் தொடர்பு ஏற்பட்டதாகக் கூறப்படுகிறது. அவர் இந்தியா திரும்பியதிலிருந்து அவர்களுடன் தொடர்பில் இருந்ததாக அதிகாரிகள் தெரிவித்துள்ளனர்.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!