பிரியங்கா காந்தியின் மோசமான சாதனை... ‘வயநாடு’ தொகுதி உருவானதில் இருந்தே இது தான் குறைவான வாக்குப்பதிவு!

பெரும் எதிர்பார்ப்புக்கு இடையே தேர்தல் அரசியலில் இம்முறை முதல்முறையாக காங்கிரஸ் கட்சி சார்பில் முன்னாள் பிரதமர் ராஜீவ் காந்தியின் மகள் பிரியங்கா காந்தி கேரளாவின் வயநாடு தொகுதியில் போட்டியிட்டார். நேற்று வயநாடு தொகுதி இடைத்தேர்தல் வாக்குப்பதிவு நடந்து முடிந்த நிலையில், பெரும் அதிர்ச்சியாக தேர்தல் களத்தில் வயநாடு தொகுதி உருவானதில் இருந்து இதுவரை இல்லாத அளவுக்கு குறைந்த வாக்குப்பதிவை சந்தித்துள்ளது காங்கிரஸ் தலைவர்களையும் அதிர்ச்சியடைய செய்துள்ளது. 

ஒரு சமயத்தில் ராகுலா? பிரியங்காவா? என்கிற எதிர்பார்ப்பு காங்கிரஸ் தலைவர்களிடையே எழுந்த போது, பிரியங்காவை பிரதமர் வேட்பாளராக முன்நிறுத்தவும் காங்கிரஸ் தலைவர்கள் குரல் கொடுத்து வந்தனர்.

எதிர்க்கட்சித் தலைவரும், பிரியங்காவின் சகோதரருமான ராகுல் காந்தி, வயநாடு தொகுதியில் ராஜினாமா செய்து விட்டு, உத்தரப் பிரதேசத்தில் உள்ள ரேபரேலி தொகுதியைத் தக்கவைத்துக் கொண்டதை அடுத்து வயநாடு மக்களவைத் தொகுதிக்கு இடைத்தேர்தல் தேவைப்பட்டது.

காங்கிரஸ் தலைவர் பிரியங்கா காந்தி தனது முதல் தேர்தலில் போட்டியிடும் வயநாடு மக்களவைத் தொகுதியில் நேற்று நடைபெற்ற இடைத்தேர்தல் வாக்குப்பதிவில் 64.72 சதவீத வாக்குகள் பதிவாகியுள்ளன. 2009ம் ஆண்டு இத்தொகுதி உருவானதில் இருந்து பதிவான மிகக் குறைந்த வாக்குப்பதிவு இது தான் என்பது குறிப்பிடத்தக்கது. 

திருச்சூரில் உள்ள செலக்கரா சட்டமன்றத் தொகுதிக்கும் இடைத்தேர்தல் நடைபெற்றது. இந்த தொகுதியில் 72.54 சதவீத வாக்குகள் பதிவாகியுள்ளது குறிப்பிடத்தக்கது.

வயநாட்டில் 2019ம் ஆண்டு நடைபெற்ற பொதுத் தேர்தலில் 72.92 சதவீத வாக்குகள் பதிவாகியிருந்த நிலையில், 2019ல் 80.33 சதவீத வாக்குகள் பதிவாகியிருந்த போது, ​​ராகுல் காந்தி முதல்முறையாக அந்த தொகுதியில் போட்டியிட்டார்.

இந்த முறை அவரது சகோதரி பிரியங்கா மூத்த சிபிஐயின் சத்யன் மொகேரி மற்றும் பாஜகவின் இளம் முகமான நவ்யா ஹரிதாஸ் ஆகியோருக்கு எதிராக போட்டியிட்டிருக்கிறார். 

கட்சித் தலைவர் மல்லிகார்ஜுன் கார்கே , எதிர்க்கட்சித் தலைவர் ராகுல் காந்தி, கர்நாடக துணை முதல்வர் டி.கே.சிவக்குமார் ஆகியோர் பிரியங்காவுக்காக ஆதரவாக தொகுதி முழுவதும் பிரசாரம் செய்தனர். மேலும், பிரியங்காவின் தாயார் சோனியா காந்தி , கர்நாடக முதல்வர் சித்தராமையா , தெலுங்கானா முதல்வர் ஏ. ரேவந்த் ரெட்டி ஆகியோரும் வேட்புமனு தாக்கலின் போது உடன் சென்றிருந்தனர். மறுபுறம் கேரள பொறுப்பாளர் பிரகாஷ் ஜவடேகரை தவிர வேறு எந்த தேசிய தலைவர்களையும் பாஜக வயநாட்டில் பிரச்சாரத்திற்கு அழைத்து வரவில்லை என்பது குறிப்பிடத்தக்கது.

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை...

 ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க

இந்த 8 நட்சத்திரக்காரர்களுக்கு அதிர்ஷ்ட மழை... வாய்ப்பை பயன்படுத்திக்கோங்க!