வேற லெவல் வசதிகளுடன் ரியல்மி வாட்ச் 5 அறிமுகம்... விலை தான் ஹைலைட்!
ஆப்பிள் வாட்ச் அல்ட்ரா மாடலைப் போன்ற வடிவமைப்புடன், ஏராளமான மேம்பட்ட அம்சங்களுடன் கூடிய புதிய ரியல்மி வாட்ச் 5 இந்தியாவில் அறிமுகம் செய்யப்பட்டுள்ளது. பெரிய AMOLED டிஸ்ப்ளே மற்றும் துல்லியமான GPS உள்ளிட்ட பல சிறப்பம்சங்களை இந்த ஸ்மார்ட்வாட்ச் கொண்டுள்ளது. இது சமீபத்தில் அறிமுகப்படுத்தப்பட்ட ரியல்மி P4x 5ஜி ஸ்மார்ட்போனுடன் அறிமுகம் செய்யப்பட்டது.
புதிய ரியல்மி வாட்ச் 5 மாடலில் 600nits பிரைட்னஸ் மற்றும் பாண்டா கிளாஸ் பாதுகாப்புடன் கூடிய பெரிய 1.97-இன்ச் AMOLED டிஸ்ப்ளே கொண்டிருக்கிறது. இந்த ஸ்மார்ட்வாட்ச், 22mm ஸ்ட்ராப்புடன் கூடிய மெட்டல் யூனிபாடி டிசைனுடன் வருகிறது. இதில் புளூடூத் காலிங் மற்றும் NFC சப்போர்ட் போன்ற கனெக்டிவிட்டி அம்சங்கள் உள்ளன. இத்துடன் 108 ஸ்போர்ட்ஸ் மோட்கள் மற்றும் VO2 மேக்ஸ் பதிவுக்கான ஆதரவும் வழங்கப்பட்டுள்ளது.
மேலும், இரத்த ஆக்ஸிஜன் கண்காணிப்பு, தூக்க கண்காணிப்பு மற்றும் பெண்களின் சுகாதார நுண்ணறிவு போன்ற உடல்நல கண்காணிப்பு வசதிகளும் இதில் உள்ளன. துல்லியமான நேவிகேஷனுக்காக இந்த ஸ்மார்ட்வாட்ச், பல செயற்கைக்கோள் அமைப்புகளுக்கான ஆதரவுடன் கூடிய சுயாதீன GPS-ஐக் கொண்டுள்ளது. இந்த சாதனம் IP68 தரச்சான்று பெற்ற வாட்டர் மற்றும் டஸ்ட் ரெசிஸ்டன்ட் வசதியுடன் வருவதோடு, 460mAh பேட்டரி மூலம் சக்தியூட்டப்படுகிறது.
இந்த ஸ்மார்ட்வாட்ச் மிகவும் விலையுயர்ந்த வாட்ச் அல்ல, ஆனால் இது முற்றிலும் மலிவு விலையிலும் நிர்ணயிக்கப்படவில்லை. ரியல்மி வாட்ச் 5-ன் விலை ரூ.4,499 ஆகும். இந்த வாட்ச் வைப்ரண்ட் ஆரஞ்சு, மின்ட் புளூ, டைட்டானியம் சில்வர் மற்றும் டைட்டானியம் பிளாக் ஆகிய நான்கு நிறங்களில் கிடைக்கும். இந்தச் சாதனத்தின் முதல் விற்பனை வரும் டிசம்பர் 10, 2025 முதல் தொடங்குகிறது. அறிமுகச் சலுகையாக, ரியல்மி நிறுவனம் இந்த வாட்ச்-ஐ ரூ. 3,999 என்ற விலைக்கு விற்பனை செய்ய இருக்கிறது. இந்த ஸ்மார்ட்வாட்ச் ஃப்ளிப்கார்ட், ரியல்மி இந்தியா வலைதளம் மற்றும் நாடு முழுவதும் உள்ள பல ஆஃப்லைன் சேனல்களில் விற்பனைக்கு வரும்.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!