ரீல்ஸ் மோகத்தால் விபரீதம்... எஸ்கலேட்டரில் சறுக்கி விளையாடிய பெண்... பதற வைக்கும் வீடியோ!

 By Jay Ganesh Mar 23, 2026, 20:00 IST
reels reels

இன்றைய டிஜிட்டல் யுகத்தில் இன்ஸ்டாகிராம் ரீல்ஸ் மற்றும் சமூக வலைதளங்களில் 'வைரல்' ஆக வேண்டும் என்ற மோகம் இளைஞர்களிடையே அதிகரித்து வருகிறது. இதற்காகத் தங்களது உயிரையும் பணயம் வைத்து ஆபத்தான செயல்களில் ஈடுபடுவது தொடர்கதையாகி வருகிறது. அந்த வகையில், தற்போது சமூக வலைதளங்களில் பரவி வரும் ஒரு வீடியோ பார்ப்பவர்களைப் பதற வைத்துள்ளது. அதில், சேலை அணிந்த இளம்பெண் ஒருவர், மார்க்கெட் அல்லது வணிக வளாகத்தில் உள்ள எஸ்கலேட்டரின்   கைப்பிடிப் பகுதியில் ஏறி அமர்ந்து கொண்டு, மிக வேகமாக கீழே சறுக்கி வரும் காட்சி இடம்பெற்றுள்ளது.

நகரும் படிக்கட்டின் ஓரத்தில் உள்ள குறுகிய கைப்பிடிப் பகுதியில் சமநிலை தவறி விழுந்தால், அது மிகப்பெரிய விபத்திற்கு இட்டுச் சென்றிருக்கும் என்பது அந்த வீடியோவைப் பார்க்கும்போதே தெளிவாகத் தெரிகிறது. குறிப்பாகச் சேலை அணிந்திருப்பதால், அது எஸ்கலேட்டர் இயந்திரத்தில் சிக்கிக்கொள்ளும் அபாயமும் அதிகம். ஒரு சில நொடிகள் புகழுக்காகவும், சமூக வலைதள 'லைக்குகளுக்காகவும்' இவ்வளவு பெரிய ஆபத்தை அந்தப் பெண் தேடிக்கொண்டது பொதுமக்களிடையே பெரும் அதிர்ச்சியை ஏற்படுத்தியுள்ளது.

இந்த வீடியோவைப் பார்த்த பலரும் சமூக வலைதளங்களில் அந்தப் பெண்ணிற்கு எதிராகக் கடும் கண்டனங்களைத் தெரிவித்து வருகின்றனர். "சாகசம் என்ற பெயரில் பொது இடங்களில் மற்றவர்களுக்கும் அச்சுறுத்தலை ஏற்படுத்தும் இத்தகைய நபர்கள் மீது காவல்துறை கடுமையான நடவடிக்கை எடுக்க வேண்டும்" என்ற கோரிக்கை வலுத்து வருகிறது. எஸ்கலேட்டர் போன்ற இயந்திரங்கள் சாதாரணமாகப் பயன்படுத்தவே சில விதிகளைக் கொண்டுள்ள நிலையில், அதில் இது போன்ற சர்க்கஸ் வேலைகளில் ஈடுபடுவது உயிருக்கே உலை வைக்கும் செயலாகும். வைரலாக வேண்டும் என்ற ஆசையில் பாதுகாப்பைத் தாரை வார்த்துவிட வேண்டாம் எனச் சமூக ஆர்வலர்கள் எச்சரிக்கின்றனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!