கள்ளக்காதலுடன் தொடர்ப்பு... மனைவிக்கு காதலனுடன் திருமணம் செய்து வைத்த கணவன்.. வைரலாகும் வீடியோ!
உத்தரப் பிரதேச மாநிலத்தில், மனைவியின் கள்ளக்காதல் விஷயம் வெளிச்சத்துக்கு வந்த போது, அதை கோபத்துடனோ, வன்முறையுடனோ, சண்டையுடனோ கையாளாமல், மிக அமைதியான முறையில் சமாளித்த கணவரின் செயல் சமூக வலைதளங்களில் பெரும் பேசுபொருளாகியுள்ளது. சாதாரணமாக இத்தகைய நிலையில் சண்டை, புகார், வன்முறை போன்ற சம்பவங்கள் நடக்கக்கூடிய சூழலில், அந்த கணவர் எடுத்த முடிவு அனைவரையும் ஆச்சரியத்தில் ஆழ்த்தியுள்ளது.
அந்த குடும்பத்தில் சில மாதங்களுக்கு முன்பே மனைவியின் வெளிப்புற உறவு குறித்து கணவருக்கு சந்தேகம் ஏற்பட்டதாக கூறப்படுகிறது. பின்னர் அந்த உறவு உறுதியாகத் தெரிந்ததும், மனைவி தனது காதலனுடன் இருப்பதையே விரும்புவதாக கணவரிடம் தெரிவித்தார். இதனால் இயல்பாகவே மனவேதனை அடைந்த கணவர், மனைவியை குற்றம் சொல்லவோ, அடிக்கவோ, திட்டவோ முயலவில்லை. அதற்கு பதிலாக, “அவளுக்கு மகிழ்ச்சி தருவது எது?” என்ற கேள்வியை முன்வைத்து, அதன்படி செயல்பட்டதாக கூறப்படுகிறது.
இதன்பிறகு, மனைவியின் விருப்பத்துக்கு ஏற்ப, அவரது காதலனுடன் சட்டப்படி திருமணம் செய்து வைக்க கணவர் முன்வந்தார். இரண்டு குடும்பத்தினரும் முன்னிலையில் திருமணம் நடத்தப்பட்டதாக வீடியோவில் தெரிகிறது. திருமணம் நடைபெற்றதும், கணவர் அமைதியாக அங்கிருந்து விலகிச் செல்லும் காட்சியும் சமூக ஊடகங்களில் பரவலாக பகிரப்படுகிறது.
இந்த சம்பவம் ‘தனிப்பட்ட பிரச்சினையை பொறுமையுடன் கையாளும் ஒரு மனிதனின் மனப்பக்குவம்’ என்ற வகையில் பலரிடமும் பாராட்டைப் பெற்றுள்ளது. துரோகத்தை பழிவாங்கும் கோபமாக மாற்றாமல், மனஅமைதிக்காக பிரிவைத் தேர்ந்தெடுத்த கணவரின் முடிவு, பொதுவாக அரிதாகவே காணப்படும் ஒன்றாக சமூக வலைதள பயனர்கள் கருத்து தெரிவிக்கின்றனர்.
கணவரின் செயல் குறித்து சமூக ஊடகங்களில் பல்வேறு கருத்துகள் வந்துகொண்டிருக்கின்றன. சிலர் அவரைக் ‘நல்ல மனசுக்காரர்’ என்றும், சிலர் ‘அளவுக்கு மீறிய பொறுமை’ என்றும் கூறினாலும், பெரும்பாலோர் இது ஒரு குடும்பச் சச்சரவுக்கு வன்முறை இல்லாத முடிவாக அமைந்துள்ளது என பாராட்டுகிறார்கள். இந்த சம்பவம் தற்போது நாடு முழுவதும் விவாதத்துக்கு உள்ளாகியுள்ளது.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!