REWING 2025 | தயாரிப்பாளருக்கு அதிக லாபம் கொடுத்த டாப் 5 தமிழ் படங்கள்!
2025ம் ஆண்டு தமிழ் சினிமாவிற்கு ஒரு பொற்காலமாக அமைந்துள்ளது என்று சொல்லலாம். இந்த ஆண்டில் குறைந்த பட்ஜெட்டில் எடுக்கப்பட்ட பல படங்கள், கற்பனைக்கு எட்டாத லாபத்தை அள்ளிக் குவித்துத் தயாரிப்பாளர்களுக்கு இன்ப அதிர்ச்சி கொடுத்துள்ளன. அந்த வகையில் பாக்ஸ் ஆபிஸில் சாதனை படைத்த டாப் 5 லாபகரமான படங்கள் குறித்த விவரங்களைப் பார்ப்போம்.
1. டூரிஸ்ட் ஃபேமிலி (Tourist Family)
நடிகர் சசிகுமார் மற்றும் சிம்ரன் நடிப்பில் வெளியான இப்படம், 2025-இன் மிகப்பெரிய பிளாக்பஸ்டர் என்று குறிப்பிடலாம். அறிமுக இயக்குநர் அபிஷன் ஜீவிந்த் இயக்கிய இந்தப் படம், வெறும் ரூ.7 கோடி பட்ஜெட்டில் எடுக்கப்பட்டு, ரூ.90 கோடி வசூலித்துச் சாதனை படைத்தது. சண்டைக்காட்சிகள் இல்லாமல், முழுக்க முழுக்கக் குடும்பக் காமெடியை மட்டுமே நம்பி எடுக்கப்பட்ட இப்படம், அனைத்துத் தரப்பு ரசிகர்களையும் வெகுவாகக் கவர்ந்தது.
2. தலைவன் தலைவி (Thalaivan Thalaivii)
பாண்டிராஜ் இயக்கத்தில் விஜய் சேதுபதி மற்றும் நித்யா மேனன் நடித்த இப்படம், கணவன்-மனைவி உறவை மையமாக வைத்து எதார்த்தமான கதைக்களத்துடன் எடுக்கப்பட்டது. இந்தப் படம் ரிலீசுக்கு முன் பெரிய எதிர்பார்ப்பை ஏற்படுத்தவில்லை. ஆனால், அதன் சென்டிமென்ட் மற்றும் கதைக்களத்தால் ரூ.25 கோடி பட்ஜெட்டில் எடுக்கப்பட்டு, ரூ.110 கோடிக்கும் மேல் வசூலித்து அனைத்துத் தரப்பு ரசிகர்களையும் கவர்ந்தது.
3. டிராகன் (Dragon)
பிரதீப் ரங்கநாதன் நடிப்பில், அஸ்வத் மாரிமுத்து இயக்கத்தில் வெளியான 'டிராகன்', ஒரு ஆக்ஷன் கலந்த ஃபேண்டஸி படமாக ரசிகர்களைக் கவர்ந்தது. ரூ.37 கோடி பட்ஜெட்டில் உருவான இப்படம், ரூ.130 கோடி வசூலித்து, பிளாக்பஸ்டர் ஆக்ஷன் என்டர்டெய்னர் என்ற பெயரைப் பெற்றது. இப்படத்தின் திரைக்கதை மற்றும் காதல் காட்சிகள் ரசிகர்களிடையே பெரும் வரவேற்பைப் பெற்றன.
4. மத கஜ ராஜா (Madha Gaja Raja)
நீண்ட வருடங்களாக வெளியீட்டிற்குக் காத்திருந்த விஷாலின் 'மத கஜ ராஜா', இந்த ஆண்டு பொங்கலுக்கு வெளியாகி ஒரு சர்ப்ரைஸ் ஹிட் ஆனது. வெறும் ரூ.15 கோடி பட்ஜெட்டில் உருவான இப்படம், உலகம் முழுவதும் ரூ.75 கோடி வசூலித்து, தயாரிப்பாளருக்கு 5 மடங்கு லாபத்தைக் கொடுத்துள்ளது. ஆக்ஷன், காமெடி கலந்த கமர்ஷியல் அம்சங்களால் இப்படம் விஷாலுக்கு ஒரு பெரிய கம்பேக் படமாக அமைந்தது.
5. பைசன் (Bison)
மாரி செல்வராஜ் இயக்கத்தில் துருவ் விக்ரம் நடிப்பில் வெளியான 'பைசன்', விளையாட்டு மற்றும் சமூகப் பிரச்சனைகளைப் பேசியது. ரூ.30 கோடி பட்ஜெட்டில் உருவான இப்படம், ரூ.75 கோடி வசூலித்து வெற்றிப் பட வரிசையில் இணைந்தது. துருவ் விக்ரமின் அழுத்தமான நடிப்பு ரசிகர்களிடம் நல்ல வரவேற்பைப் பெற்றது. மொத்தத்தில், 2025ம் ஆண்டு பெரிய ஹீரோக்களை விட, நல்ல கதைக்களத்தைக் கொண்ட படங்களுக்கே ரசிகர்கள் மகுடம் சூட்டியுள்ளனர் என்பது இந்த வசூல் சாதனைகள் மூலம் தெளிவாகிறது.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!