அமெரிக்காவில் ரூ.88 லட்சம் கோடி முதலீடு... சவுதி புதிய ஒப்பந்தம்!
உடல்நலக்குறைவால் ஆட்சிப் பொறுப்புகளை இளவரசர் முகமது பின் சல்மான் மேற்கொண்டுவரும் நிலையில், சவுதி–அமெரிக்க உறவை வலுப்படுத்தும் நோக்கில் அவர் வாஷிங்டனுக்கு அரசுமுறை பயணமாக சென்றார். வெள்ளை மாளிகை முன்பு சிவப்பு கம்பள வரவேற்புடன் அமெரிக்க ஜனாதிபதி டிரம்ப் இளவரசரைக் கவுரவித்தார். பின்னர் ஓவல் அலுவலகத்தில் இரு நாடுகளின் தலைவர்களும் நீண்ட நேரம் பேச்சுவார்த்தை நடத்தினர்.
இரு நாடுகளுக்கும் இடையே அணுசக்தி ஒத்துழைப்பு, எப்–35 போர் விமானங்கள் விற்பனை, மேலும் அமெரிக்காவில் வர்த்தக முதலீடு குறித்த முக்கிய ஒப்பந்தங்கள் கையெழுத்தாகின. கூட்டுப் பத்திரிகையாளர் சந்திப்பில், “முன்னதாக ரூ.53 லட்சம் கோடி முதலீடு செய்ய உடன்பட்டிருந்த சவுதி அரேபியா, அதை உயர்த்தி ரூ.88 லட்சம் கோடி அளவிலான புதிய முதலீட்டை ஒப்புக்கொண்டுள்ளது. இதனால் அமெரிக்காவில் வேலைவாய்ப்பும், பொருளாதார வளமும் அதிகரிக்கும்,” என்று டிரம்ப் தெரிவித்தார். பத்திரிகையாளர் கேள்வியெடுத்த ஜமால் கஷோகி படுகொலை விவகாரத்தை அவர் தள்ளுபடி செய்து, “இளவரசர்க்கு அதில் தொடர்பில்லை. அதைத் தாண்டி செல்லுங்கள்,” என்றார்.
2018ஆம் ஆண்டு இஸ்தான்புல் சவுதி தூதரகத்தில் பத்திரிகையாளர் ஜமால் கஷோகி கொல்லப்பட்ட சம்பவம் உலகம் முழுவதும் அதிர்வுகளை ஏற்படுத்திய நிலையில், அந்த குற்றச்சாட்டு இளவரசரின் மீது தொடர்ந்தும் முன்வைக்கப்படுகிறது. இதற்கு பதிலளித்த முகமது பின் சல்மான், “பின்லேடன் சவுதி மக்களைப் பயன்படுத்தி 9/11 தாக்குதலை நடத்தியது, அமெரிக்கா–சவுதி உறவை சேதப்படுத்தியது. இனி பயங்கரவாதம் வேரோடு ஒழிக்கப்படும். அமெரிக்க முதலீடு விரைவில் நிறைவேற்றப்படும்,” என்று தெரிவித்துள்ளார்.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!