படப்பிடிப்பில் படுகாயம்... நடிகை ஸ்ரத்தா கபூருக்கு எலும்பு முறிவு.. 'ஈதா' ஷூட்டிங் நிறுத்தம்!
புகழ்பெற்ற நடிகர் விதாபாய் பாவ் மங் நாராயண்கோன்கரின் வாழ்க்கை வரலாற்றைப் படமாக்கும் 'ஈதா' (Eetha) திரைப்படத்தின் நடன ஒத்திகையின் போது, நடிகை ஸ்ரத்தா கபூருக்குக் காலில் எலும்பு முறிவு ஏற்பட்டதால், படப்பிடிப்பு உடனடியாக நிறுத்தப்பட்டுள்ளது.
மராட்டிய மாநிலத்தின் புகழ்பெற்ற நடிகரும், கலைஞருமான விதாபாய் பாவ் மங் நாராயண்கோன்கரின் வாழ்க்கையை மையமாகக் கொண்டு 'ஈதா' என்ற திரைப்படம் உருவாகி வருகிறது. இப்படத்தில், விதாபாய் கதாபாத்திரத்தில் பாலிவுட்டின் முன்னணி நடிகை ஸ்ரத்தா கபூர் நடித்து வருகிறார்.
ரந்தீப் ஹூடா கதாநாயகனாக நடிக்க, தேசிய விருது பெற்ற இயக்குநரான லக்ஷ்மன் உடேகர் இப்படத்தை இயக்கி வருகிறார். இந்தப் படம் விதாபாயின் கலைப் பயணத்தையும், தனிப்பட்ட வாழ்க்கை சவால்களையும் விவரிக்கும் என எதிர்பார்க்கப்படுகிறது.
இந்நிலையில், 'ஈதா' திரைப்படத்தின் முக்கியமான பாடல் ஒன்றிற்கான நடன ஒத்திகையைப் பார்க்கும்போது நடிகை ஸ்ரத்தா கபூருக்கு விபத்து ஏற்பட்டுள்ளது. இது குறித்து வெளியான தகவல்களின்படி, நடன ஒத்திகையின்போது, அவர் தனது மொத்த உடல் எடையையும் திடீரென இடது காலில் போட்டுள்ளார்.
இந்த எதிர்பாராத அழுத்தத்தின் காரணமாக, அவரது இடது கால் விரலில் எலும்பு முறிவு ஏற்பட்டுள்ளது. உடனடியாக அவருக்கு முதலுதவி அளிக்கப்பட்டு மருத்துவ ஆலோசனை வழங்கப்பட்டுள்ளது.
நடிகை ஸ்ரத்தா கபூருக்கு எலும்பு முறிவு ஏற்பட்டதால், அவர் அடுத்த சில வாரங்களுக்கு ஓய்வில் இருக்க வேண்டிய சூழல் ஏற்பட்டுள்ளது. இதன் விளைவாக, படத்தின் இயக்குநர் லக்ஷ்மன் உடேகர், படப்பிடிப்பை இரண்டு வார காலத்திற்குத் தற்காலிகமாக நிறுத்தி வைத்துள்ளார்.
ஆனால், காயம் அடைந்த போதிலும், படக்குழுவின் உழைப்பை மதித்து, 'மிகவும் முக்கியமான காட்சிகளை மட்டும் எடுத்து முடித்து விடலாம்' என ஸ்ரத்தா கபூர், இயக்குநரிடம் கூறியதாகத் தெரிகிறது.
ஸ்ரத்தா கபூர் தற்போது குணமடைந்து வருவதாகவும், விரைவில் படப்பிடிப்பில் இணைவார் என்றும் படக்குழுவினர் தெரிவித்துள்ளனர். இந்தப் படம் தாமதமாவது குறித்த செய்தி, ஸ்ரத்தா கபூர் ரசிகர்கள் மத்தியில் சிறிது சோகத்தை ஏற்படுத்தியுள்ளது.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!