அதிர்ச்சி... கோவையில் 5,145 லிட்டர் எரிசாராயம் பறிமுதல்!

கள்ளக்குறிச்சி கள்ளச்சாராய உயிரிழப்புகளின் சோகமே இன்னும் தீரவில்லை. தீவிர கண்காணிப்பும், சோதனைகளும் நடத்தப்பட்டு வந்தாலும் அதன் பின்னரும் தமிழகத்தின் பல மாவட்டங்களிலும் அவ்வப்போது கள்ளச்சாராய வழக்குகள் பதிவாகிக் கொண்டிருக்கிறது. இந்நிலையில் கோவையில் 5,145 லிட்டர் எரிசாராயம் பறிமுதல் செய்யப்பட்ட சம்பவம் பெரு பரபரப்பையும், அதிர்ச்சியையும் ஏற்படுத்தியுள்ளது. இது தொடர்பாக கேரளாவுக்கு கடத்திச் செல்ல முயன்றதாக 3 பேரைப் போலீசார் கைது செய்து விசாரித்து வருகின்றனர். 

கோவை மாவட்டம் பாப்பம்பட்டியில் உள்ள ஸ்ரீநகர் என்ற பகுதியில் அரவிந்த் என்பவருக்கு சொந்தமான ஒரு குடோன் உள்ளது. இங்கு பல லிட்டர் கணக்கில் எரிசாராயம் பதுக்கி வைக்கப்பட்டு இருப்பதாக மத்திய நுண்ணறிவு பிரிவின் கோவை மாவட்ட ஆய்வாளர் காமராஜ் குழுவினருக்கு நேற்று ரகசிய தகவல் கிடைத்தது. அதன் பேரில், இன்ஸ்பெக்டர் காமராஜ், எஸ்.ஐ. உதயசந்திரன் குழுவினர் தகவல் கிடைத்த இடத்துக்குச் சென்று இன்று சோதனை நடத்தினர். அதில் மேற்கண்ட குடோனில், 35 கேன்களில் 5,145 லிட்டர் எரிசாராயம் இருந்தது கண்டுபிடிக்கப்பட்டது.

கர்நாடக மாநிலத்தில் இருந்து கடத்தி வரப்பட்டு, கேரளாவுக்கு கடத்திச் செல்வதற்காக இங்கு பதுக்கி வைக்கப்பட்டிருந்ததும் விசாரணையில் தெரியவந்தது. தொடர்ந்து மாவட்ட காவல் கண்காணிப்பாளர் கார்த்திகேயன், கருமத்தம்பட்டி உட்கோட்ட டிஎஸ்பி தங்கராமன் மற்றும் பெரியநாயக்கன்பாளையம் மதுவிலக்கு அமலாக்கப் பிரிவு போலீஸார் உள்ளிட்டோர் சம்பவ இடத்துக்கு வந்து விசாரணை நடத்தினர். பூச்சி மருந்து உள்ளிட்ட விவசாயம் சார்ந்த பொருட்கள் வைத்து எடுத்துச் செல்வதற்கு குடோன் தேவைப்படுவதாக கூறி, மேற்கண்டவர்கள் இந்த குடோனை கடந்த 9ம் தேதி வாடகைக்கு எடுத்ததும், இங்கிருந்து எரிசாராயத்தை கொஞ்சம் கொஞ்சமாக கேரளாவுக்கு கடத்திச் சென்று வந்ததும் தெரிய வந்தது.

தொடர்ந்து விசாரணைக்கு பிறகு இதுதொடர்பாக கேரள மாநிலம் கொல்லங்கோட்டைச் சேர்ந்த ரஜித்குமார் (38), இடுக்கியைச் சேர்ந்த ஜான் விக்டர் (45), ஒண்டிப்புதூரைச் சேர்ந்த பிரபாகர் (47) ஆகிய மூவரை மதுவிலக்கு அமலாக்கப் பிரிவு போலீசார் கைது செய்தனர். கடத்துவதற்காக பதுக்கி வைக்கப்பட்டிருந்த எரிசாராய கேன்கள் பறிமுதல் செய்யப்பட்டன.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க நட்சத்திரத்துக்கு லாபம் தரும் துறை எது?