அதிர்ச்சி தரும் ஆய்வு முடிவுகள்... இந்தியாவில் 80% IT ஊழியர்களுக்கு கொழுப்பு கல்லீரல் நோய்!

ஹைதராபாத் பல்கலைக்கழகம் ஐடி பணியாளர்களிடையே குறிப்பிட்ட வகை ஆய்வை நடத்தி அதன் முடிவுகளை வெளியிட்டுள்ளது.  இந்த ஆய்வு முடிவுகளில் அதிர்ச்சி தரும் தகவல்கள் வெளியாகியுள்ளன. அதன்படி  ஐடி தொழிலாளர்கள் நீண்ட நேரம் உட்கார்ந்து வேலை செய்வது, அதிக வேலை அழுத்தம், குறைவான உடற்பயிற்சி மற்றும் அவ்வப்போது உணவுமுறையை மாற்றி உண்பது போன்ற காரணங்களால் கொழுப்பு கல்லீரல் நோய் பரவியிருப்பதாக ஹைதராபாத் பல்கலைக்கழகம் தெரிவித்துள்ளது. அதன்படி  84% ஐடி பணியாளர்கள் இந்த நோயால் பாதிக்கப்பட்டு இருப்பதாக  அறிக்கையில் கூறப்பட்டுள்ளது.

2023 ஜூலை முதல் 2024 ஜூலை வரையிலான காலகட்டத்தில் ஹைதராபாத்தில் உள்ள 345 ஐடி ஊழியர்கள் மீது மேற்கொள்ளப்பட்ட இந்த ஆய்வில், நீண்ட நேரம் கணினி முன் அமர்ந்து இருப்பது மற்றும் வேலை மன அழுத்தம் காரணமாக MAFLD உருவாகும் அபாயம் அதிகரிக்கிறது என தெரிவிக்கப்பட்டுள்ளது. மேலும், ஆய்வில் 71% பேர் அதிக எடை கொண்டவர்களாகவும், 34% பேர் மெட்டாபாலிக் சிண்ட்ரோம் கொண்டவர்களாகவும் இருப்பது உறுதி செய்யப்பட்டுள்ளது.  

Metabolic-Associated Fatty Liver Disease (MAFLD) என்பது கல்லீரலில் 5% க்கும் அதிகமாக கொழுப்பு சேர்ந்து போதிய அளவு வேலை செய்ய முடியாத நிலை உருவாகும் ஒரு நோயாகும். சரியான சிகிச்சை இல்லாமல் விட்டுவிட்டால், கல்லீரல் சிரோசிஸ் மற்றும் கல்லீரல் புற்றுநோய் ஏற்பட்டு, சில நேரங்களில் கல்லீரல் மாற்று அறுவை சிகிச்சையும் தேவைப்படலாம்.

இதன் மூலம் டைப் 2 சர்க்கரை நோய், உயர் இரத்த அழுத்தம், இதய நோய்கள், சிறுநீரக நோய்கள் போன்ற ஆபத்துக்களை அதிகரிக்கக் கூடும். இந்த நோயைத் தடுப்பதற்கு தினசரி உடற்பயிற்சி, சரியான உடல் எடை பராமரித்தல், அதிக தண்ணீர் குடித்தல், சர்க்கரை மற்றும் கொழுப்புச் சத்து அதிகமுள்ள உணவுகளை தவிர்த்தல் ஆகியவை முக்கியமானவை என மருத்துவர்கள் தெரிவித்துள்ளனர்.  நெருக்கடியான வேலை சூழ்நிலையை சமாளிக்கவும், ஆரோக்கியமான வேலை-தனியார் வாழ்க்கை சமநிலையை நிலைநாட்டவும், முறைப்படி மருத்துவ பரிசோதனைகளை மேற்கொள்ளவும் ஐடி நிறுவனங்கள் முன்னெடுப்புகளை  மேற்கொள்ள வேண்டும் என ஆய்வு முடிவுகள் கூறுகின்றன.  ஊழியர்களின் நலனைக் கருத்தில் கொண்டு உடல் ஆரோக்கியம் சார்ந்த நலத்திட்டங்களை நிறுவனங்கள் செயல்படுத்த வேண்டும் என ஆய்வாளர்கள் பரிந்துரை செய்துள்ளனர்.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

 உங்க நட்சத்திரத்துக்கு லாபம் தரும் துறை எது?