சோகம்... ஆம்புலன்ஸ் விபத்தில் சிக்கியதில் நோயாளி, மனைவி மரணம்!
ஏற்கெனவே விபத்தில் சிக்கி, மேல் சிகிச்சைக்காக ஆம்புலன்ஸில் சென்றுக் கொண்டிருந்த போது, ஆம்புலன்ஸ் விபத்தில் சிக்கியதில், நோயாளியும், அவரது மனைவியும் பரிதாபமாக பலியானார்கள்.
தஞ்சாவூர் மாவட்டம் பட்டுக்கோட்டையில் இருந்து தனியார் ஆம்புலன்ஸ் மூலம் கோவை தனியார் மருத்துவமனையில் சிகிச்சைக்காக சென்றுக் கொண்டிருந்த நோயாளியும், உடன் அதே ஆம்புலன்ஸில் சென்ற அவரது மனைவியும் திருப்பூர் மாவட்டம் பல்லடம் அருகே விபத்தில் சிக்கி பரிதாபமாக உயிரிழந்தனர்.
தஞ்சை மாவட்டம் பட்டுக்கோட்டையைச் சேர்ந்தவர் கு.முருகன் (65). இவர் கடந்த சில நாட்களுக்கு முன்பு லாரியில் இருந்து கீழே விழுந்ததில் இடுப்பெலும்பு முறிந்த நிலையில் பட்டுக்கோட்டையில் சிகிச்சை எடுத்து வந்தார்.
இந்நிலையில், மேல் சிகிச்சைக்காக கோவை தனியார் மருத்துவமனையில் சேர்வதற்காக பட்டுக்கோட்டையில் இருந்து கோவைக்கு ஆம்புலன்ஸில் புறப்பட்டனர். ஆம்புலன்ஸில் மனைவி கல்யாணி (60), ஆம்புலன்ஸ் ஓட்டுநர் மதியழகன்(20) மற்றும் ஓட்டுநரின் நண்பர் விஜய் (20) ஆகியோர் கோவை நோக்கி சென்றுக் கொண்டிருந்தனர்.
அப்போது திருப்பூர் மாவட்டம் பல்லடத்தை அடுத்த பெரும்பாளி அருகே தேசிய நெடுஞ்சாலையில் சென்றுக் கொண்டிருந்த போது, கரூரில் இருந்து சிமெண்ட் ஏற்றி வந்த லாரியை சாலையோரமாக நிறுத்தியிருந்தார். இந்நிலையில் கண்ணிமைக்கும் நேரத்தில் ஆம்புலன்ஸ், லாரி மீதி மோதி விபத்திற்குள்ளானது.
இதில் அலறல் சத்தத்தை கேட்ட லாரி ஓட்டுநர் மற்றும் பொதுமக்கள் பல்லடம் போலீசாருக்கு தகவல் அளித்தனர். அதன்பேரில் உடனடியாக சம்பவ இடத்துக்கு சென்ற போலீசார் ஆம்புலன்ஸில் இருந்தவர்களை மீட்கும் முயற்சியில் ஈடுபட்டனர். முருகன் சம்பவ இடத்திலேயே உயிரிழந்தார். கல்யாணி பல்லடம் அரசு மருத்துவமனையில் அனுமதிக்கப்பட்ட நிலையில் சிகிச்சை பலன் இன்றி உயிரிழந்தார்.
ஆம்புலன்ஸ் ஓட்டுநர் மதியழகன் மற்றும் விஜய் படுகாயம் அடைந்த நிலையில் கோவை அரசு மருத்துவக் கல்லூரியில் சிகிச்சைக்கு அனுமதிக்கப்பட்டனர். இதில் ஓட்டுநர் மதியழகனின் 2 கால்களும் முறிந்து சேதம் அடைந்தன. இந்த விபத்து குறித்து பல்லடம் போலீசார் வழக்கு பதிந்து விசாரித்து வருகின்றனர்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!