மார்ச் 28 ம் தேதி ஊட்டி மேட்டுப்பாளையம் இடையே சிறப்பு மலை ரயில்!

 சுற்றுலா பயணிகள் வசதிக்காக கோடை கால சிறப்பு ரயில் இயக்கப்படும் என  தெற்கு ரயில்வே  அறிவித்துள்ளது.  இதன்படி மேட்டுப்பாளையம் - உதகை இடையே கோடை கால சிறப்பு மலை ரயில்கள் இயக்கப்படும் என அறிவித்துள்ளது. இது குறித்து  தெற்கு ரயில்வே வெளியிட்டுள்ள செய்திக்குறிப்பில், "சுற்றுலாப் பயணிகள் வசதிக்காக கோடை சீசனை முன்னிட்டு சிறப்பு ரயில்கள் இயக்க முடிவு செய்யப்பட்டுள்ளது.

மேட்டுப்பாளையம் முதல் உதகை வரையில் மார்ச் மாதம் 28ம் தேதி முதல் ஜூலை 7ம் தேதி வரை வெள்ளி மற்றும் ஞாயிற்றுக் கிழமைகளிலும், உதகை முதல் மேட்டுப்பாளையம் வரை சனி மற்றும் திங்கட்கிழமைகளில் இந்த சிறப்பு ரயில்கள் இயக்கப்படும்.  இதில், மேட்டுப்பாளையம் முதல் குன்னூர் வரை 40 முதல் வகுப்பு மற்றும் 140  இரண்டாம் வகுப்பு இருக்கைகள் இருக்கும்.

குன்னூர் முதல் உதகை வரையில் மொத்தம் 220 இருக்கைகளில் 80 இருக்கைகள் முதல் வகுப்பும், 140 இரண்டாம் வகுப்பு இருக்கைகளும் இருக்கும். மேட்டுப்பாளையத்திலிருந்து காலை 9.10 மணிக்கு புறப்படும் ரயில் பிற்பகல்  2.25 மணிக்கு உதகைக்கு வந்தடையும், காலை 11.25 மணிக்கு உதகையிலிருந்து புறப்படும் ரயில் மாலை 4.20 மணிக்கு மேட்டுப்பாளையம் சென்றடையும். சுற்றுலாப் பயணிகள் ஆன்லைன் மூலம் டிக்கெட் முன்பதிவு செய்து பயணம் செய்யலாம்" எனத்  தெரிவிக்கப்பட்டுள்ளது.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

 உங்க நட்சத்திரத்துக்கு லாபம் தரும் துறை எது?