பகீர்... வகுப்பறையில் இரும்புக் கதவில் சிக்கி 1ம் வகுப்பு மாணவியின் 2 விரல்கள் துண்டிப்பு... குப்பையில் தூக்கி எறிந்த ஆசிரியர்கள்!

கர்நாடகா மாநிலத்தின் துமகுரு தாலுகாவில் உள்ள கூலூர் கிராமத்தில் பரிதாபகரமான சம்பவம் ஒன்று நடைபெற்றுள்ளது. 1 ஆம் வகுப்பு மாணவி சின்மயி தேவி, பள்ளி வளாகத்தில் விளையாடிக் கொண்டிருந்தபோது கனமான இரும்பு வகுப்பறை கதவில் விரல்கள் சிக்கி இரண்டு விரல்கள் துண்டிக்கப்பட்டன. பிப்ரவரி 11 ஆம் தேதி நடந்த இந்த விபத்து பெற்றோரையும் பொதுமக்களையும் அதிர்ச்சியில் ஆழ்த்தியுள்ளது.

விபத்துக்குப் பிறகு குழந்தைக்கு அதிக இரத்தப்போக்கு ஏற்பட்டதாக கூறப்படுகிறது. ஆனால் உடனடியாக மருத்துவமனைக்கு கொண்டு செல்லாமல், துண்டிக்கப்பட்ட விரல்களை பாதுகாக்காமல் குப்பைத்தொட்டியில் எறிந்ததாக ஆசிரியர்கள் மீது குற்றச்சாட்டு எழுந்துள்ளது. மற்ற மாணவர்கள் இரத்தத்தை கண்டு பயப்படக்கூடாது என்பதற்காக இந்த நடவடிக்கை எடுக்கப்பட்டதாக தகவல் வெளியாகியுள்ளது.

பின்னர் தகவல் அறிந்த பெற்றோர் பள்ளிக்கு விரைந்து வந்து, சிறுமியை துமகுரு மாவட்ட மருத்துவமனைக்கு கொண்டு சென்றனர். துண்டிக்கப்பட்ட விரல்கள் சரியாக பாதுகாக்கப்பட்டு உடனடியாக கொண்டு வரப்பட்டிருந்தால் அறுவை சிகிச்சை மூலம் மீண்டும் இணைக்க வாய்ப்பு இருந்திருக்கலாம் என்று மருத்துவர்கள் தெரிவித்ததாக கூறப்படுகிறது. இந்த சம்பவம் தொடர்பாக தலைமை ஆசிரியர் நாகேஷ், ஆசிரியர்கள் ரேணுகாம்மா, வெங்கடேஷ் மற்றும் தொகுதி கல்வி அதிகாரி ஹனுமந்தப்பா மீது கிராமப்புற போலீசார் வழக்குப்பதிவு செய்து விசாரணை நடத்தி வருகின்றனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!