மகாராஷ்டிர துணை முதல்வராக சுநேத்ரா பவார் பொறுப்பேற்பு!
மகாராஷ்டிர துணை முதல்வராக இருந்த அஜீத் பவார் கடந்த ஜனவரி 28ஆம் தேதி பாராமதியில் ஏற்பட்ட விமான விபத்தில் உயிரிழந்தார். இதையடுத்து ஜனவரி 31ஆம் தேதி சுநேத்ரா பவார் துணை முதல்வராக பதவியேற்றார். அவருக்கு மகாராஷ்டிர ஆளுநர் ஆச்சார்யா தேவவிரத் பதவிப்பிரமாணம் செய்து வைத்தார். தேசியவாத காங்கிரஸ் கட்சியின் மூத்த தலைவர்கள் மற்றும் அவரது மகன் பார்த் பவார் உள்ளிட்டோர் நிகழ்ச்சியில் பங்கேற்றனர்.
அஜீத் பவாரின் மறைவுக்குப் பிறகு நடைபெறும் முதல் அமைச்சரவைக் கூட்டத்தில் சுநேத்ரா பவார் பங்கேற்க உள்ளார். பிப்ரவரி 23ஆம் தேதி நடைபெறும் பட்ஜெட் கூட்டத்தொடருக்கான வணிக ஆலோசனைக் குழுக் கூட்டத்திலும் அவர் கலந்து கொள்வார். அவருக்கு ஆட்சித்துறை, விளையாட்டு, சிறுபான்மையினர் நலன் உள்ளிட்ட துறைகள் ஒதுக்கப்பட்டுள்ளன. மேலும் பீட் மற்றும் புணே மாவட்டங்களின் பாதுகாவலர் அமைச்சராகவும் நியமிக்கப்பட்டுள்ளார்.
பதவியேற்பதற்கு முன்பு சுநேத்ரா பவார் புணேவில் இருந்து மும்பை வந்து சித்தி விநாயகர் கோயிலும், பி.ஆர். அம்பேத்கரின் நினைவிடத்திலும் வழிபாடு செய்தார். பின்னர் என்சிபி அலுவலகத்தில் கட்சி எம்.எல்.ஏ.க்கள் மற்றும் அமைச்சர்களை சந்தித்தார். அஜீத் பவாரின் மறைவுக்குப் பிறகு நடைபெற்ற உள்ளாட்சி தேர்தலில் அவரது கட்சி 73 இடங்களில் 51 இடங்களை கைப்பற்றி புணே ஜில்லா பரிஷத்தைத் தக்க வைத்துள்ளது.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!