சூப்பர்... மணிக்கு ரூ140 கிமீ வேகத்தில் இந்தியாவின் முதல் ஹைட்ரஜன் எரிபொருள் ரயில் இந்த மாதம் தொடக்கம்!
ரயில்களை இயக்க மின்சாரம் , பெட்ரோல், டீசல் எதுவுமே தேவையில்லை . வந்து விட்டது ஹைட்ரஜன் எரிபொருள் ரயில் . இந்த ரயில் மணிக்கு 140 கிலோ மீட்டர் வேகம் வரை புயல் போல சீறிப்பாய காத்திருக்கின்றன. உலகில் ஜெர்மனி, பிரான்ஸ், ஸ்வீடன் மற்றும் சீனாவில் மட்டும்தான் இந்த வகையான ரயில்கள் இயக்கப்படுகின்றன.இந்த வரிசையில் 5வது நாடாக இணைந்துள்ள இந்தியா, தனது முதல் சேவையை இந்த மாதம் தொடங்கவுள்ளது. முதல் ஹைட்ரஜன் எரிபொருள் ரயிலை சென்னையை தளமாகக் கொண்ட ஒருங்கிணைந்த ரயில் பெட்டி தொழிற்சாலையான ஐ.சி.எஃப் தமிழகத்தில் தயாரிக்கிறது.
சென்னை ஐசிஎஃப் உருவாக்கிய 1200 குதிரைத்திறன் கொண்ட முதல் ஹைட்ரஜன் ரயில் வடக்கு ரயில்வேயின் டெல்லி பிரிவுக்கு ஒதுக்கப்பட்டுள்ளது. 89 கிலோ மீட்டர் நீளமுள்ள ஜிந்த் - சோனிபட் பிரிவில் இயங்கும் என எதிர்பார்க்கப்படுகிறது. ஹரியானாவின் ஜிந்த் நகரில் அமைக்கப்பட்டுள்ள ஹைட்ரஜன் எரிபொருள் நிரப்பும் மையம், ரயிலுக்கு தேவையான எரிபொருளை வழங்கும். இங்கு 3,000 கிலோ ஹைட்ரஜனை சேமித்து வைக்க முடியும். இங்குள்ள ஹைட்ரஜன் கம்ப்ரஸர் மற்றும் டிஸ்பென்சர்கள் மூலம் ரயிலில் ஹைட்ரஜன் எரிபொருள் நிரப்பப்படும் என ரயில்வே அதிகாரிகள் தெரிவிக்கின்றனர்.
டீசலில் இருந்து மின்சார ரயில் என்ஜின்களுக்கு மாறியதைத் தொடர்ந்து, இந்திய ரயில்வே, இப்போது ஹைட்ரஜன் எரிபொருள் ரயில் சேவையை நோக்கிய புதிய சகாப்தத்தில் நுழைகிறது. இது, சுத்தமான எரிசக்தி ஆதரமான பூஜ்ஜிய கார்பன் உமிழ்வு இலக்குகளை ஆதரிக்கும் பசுமை போக்குவரத்து தொழில்நுட்பத்தின் திசையை நோக்கிய புதிய பயணமாகும். பெரும்பாலான நாடுகள் 500 முதல் 600 குதிரைத்திறன் வரையிலான திறன் கொண்ட ஹைட்ரஜன் ரயில்களை உருவாக்கியுள்ளனர். இருந்தாலும், இந்தியா 1200 குதிரைத்திறன் கொண்ட என்ஜினை உருவாக்கி, ரயில்வே உலகில் ஒரு திருப்புமுனையை ஏற்படுத்தியுள்ளது. ஒரு ஹைட்ரஜன் எரிபொருள் ரயிலை உருவாக்க ரூ 80 கோடி செலவாகும் எனக் கூறப்படுகிறது. 2023-2024ல் ரயில்வே அமைச்சகம் 35 ஹைட்ரஜன் எரிபொருள் அடிப்படையிலான ரயில்களை உருவாக்க 2800 கோடி ரூபாயை ஒதுக்கியது குறிப்பிடத்தக்கது.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!