என் மகள்களை பாத்துக்கோங்க... உருக்கமான கடிதம் எழுதி மேலும் ஒரு பி.எல்.ஓ. அதிகாரி தற்கொலை... தொடரும் சோகம்!
இந்திய தேர்தல் ஆணையம், தமிழ்நாடு உள்பட பத்து மாநிலங்கள் மற்றும் இரண்டு யூனியன் பிரதேசங்களில் வாக்காளர் பட்டியல் சிறப்பு தீவிர திருத்தப் பணிகளை மேற்கொண்டு வருகிறது. பீகாரில் தேர்தலுக்கு முன்பே இந்தப் பணிகள் முடிக்கப்பட்ட நிலையில், தமிழகத்தில் அடுத்த ஆண்டு நடைபெறவுள்ள தேர்தலை முன்னிட்டு எஸ்.ஐ.ஆர் பணிகள் தற்போது தொடர்ந்து நடைபெற்று வருகின்றன. வேலைக்காக புலம்பெயர்தல், இளைஞர்கள் வாக்களிக்கும் தகுதி பெறுதல், போலி பெயர்கள் நீக்கம், இறந்தவர்களின் பெயர் அகற்றம் போன்ற செயல்முறைகளை சீர்செய்யவே இந்தத் திருத்தம் என ஆணையம் தெரிவித்துள்ளதும் குறிப்பிடத்தக்கது. ஆனால் பாஜக ஆட்சியில் இல்லாத மாநிலங்கள், இது வாக்குரிமையை பாதிக்கும் வகையில் நடத்தப்படும் நடவடிக்கை என குற்றம் சாட்டி வருகின்றன.
இந்த எஸ்.ஐ.ஆர் பணிகளில் மிகுந்த அவசரத்தையும் அதிக வேலைப்பளுவையும் விதித்திருப்பது பெரிய சர்ச்சையாக மாறியுள்ளது. பெரும் மனிதவளமும் நீண்ட கால அவகாசமும் தேவைப்படும் பணியை குறுகிய நாட்களில் முடிக்க வேண்டும் என தேர்தல் நிலைய அதிகாரிகள் (PLO) மீது அழுத்தம் கொடுக்கப்பட்டதால் பலர் மனஅழுத்தத்திற்கு ஆளாகி வருகிறார்கள். ஏற்கனவே சிலர் இதனால் உயிரிழந்த சூழலில், உத்தரபிரதேச மாநிலம் மொராதாபாத் பகுதியை சேர்ந்த 46 வயது பி.எல்.ஓ அதிகாரி சர்வேஷ் சிங் தற்கொலை செய்துகொண்ட சம்பவம் அதிர்ச்சியை ஏற்படுத்தியுள்ளது. அங்குள்ள பள்ளியில் உதவி ஆசிரியராக இருந்த அவர், அக்டோபர் 7ம் தேதி முதன்முறையாக PLO பணிக்கு நியமிக்கப்பட்டார். அதிக வேலைச்சுமை காரணமாகவே இந்த கடுமையான முடிவை எடுத்ததாக தெரிகிறது.
தற்கொலைக்குத் தாமதமின்றி அவர் வெளியிட்ட வீடியோவில், “அம்மா, என்னை மன்னியுங்கள்… என் மகள்களை கவனித்துக்கொள்ளுங்கள். வேலையை முடிக்க முடியாமல் தவித்தேன். கடந்த 20 நாட்களாக தூங்கவே முடியவில்லை. நான்கு சிறுமிகள் உள்ளனர், அவர்களைப் பார்த்துக்கொள்ளுங்கள்…” என மனம் உருகும் விதமாக கூறியுள்ளார். சம்பவ தகவல் கிடைத்ததும் போலீசார் உடலை மீட்டு பிரேதப் பரிசோதனைக்கு அனுப்பினர். தொடர்ச்சியாக PLO–BLO அதிகாரிகள் எஸ்.ஐ.ஆர் பணிச்சுமையால் உயிரிழப்பது கடுமையான கேள்விகளை எழுப்பி வருகிறது.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!