ஆஸ்திரேலியா கடலில் கொடூரம்: இளம்பெண் சுறா தாக்கி உயிரிழப்பு

ஆஸ்திரேலியாவில் உள்ள நியூ சவுத் வேல்ஸ் மாகாணத்தின் கைலீஸ் கடற்கரைப் பகுதியில், கடலில் குளித்துக் கொண்டிருந்த ஓர் இளம்பெண், சுறாவின் கொடூரத் தாக்குதலுக்கு உள்ளாகி சம்பவ இடத்திலேயே உயிரிழந்தார். இந்தச் சம்பவம் அந்தப் பகுதியில் பெரும் சோகத்தையும் அதிர்ச்சியையும் ஏற்படுத்தியுள்ளது.

நியூ சவுத் வேல்ஸ் மாகாணத்தில் உள்ள கைலீஸ் நகரம், அதன் நீண்ட மற்றும் அழகிய கடற்கரைகளுக்காக உலகம் முழுவதும் பிரபலமானதாகும். இந்த இடத்திற்கு உள்ளூர் மக்கள் மட்டுமல்லாமல், வெளிநாடுகளில் இருந்து வரும் சுற்றுலாப் பயணிகளும் பெருமளவில் வந்து குளித்து மகிழ்வது வழக்கம்.

அந்த வகையில், இன்று (நவம்பர் 29) 20 வயது மதிக்கத்தக்க ஓர் இளம்பெண், தனது ஆண் நண்பருடன் அந்தக் கடற்கரைக்குச் சென்றுள்ளார். இருவரும் உற்சாகத்துடன் கடலில் குளித்துக் கொண்டிருந்தபோது, திடீரென அங்கு வந்த சுறா ஒன்று இருவரையும் மிகக் கொடூரமாகத் தாக்கியது.

சுறாவின் இந்தக் கடுமையான தாக்குதலில், அந்த இளம்பெண் சம்பவ இடத்திலேயே உயிரிழந்தார். படுகாயமடைந்த அவரது ஆண் நண்பர், உடனிருந்தவர்களால் விரைவாக மீட்கப்பட்டு, அருகில் உள்ள மருத்துவமனையில் தீவிர சிகிச்சைப் பிரிவில் அனுமதிக்கப்பட்டுள்ளார். அவரது நிலை குறித்து அதிகாரிகள் தொடர்ந்து கண்காணித்து வருகின்றனர்.

இந்தத் துயரச் சம்பவத்தைத் தொடர்ந்து, நியூ சவுத் வேல்ஸ் மாகாணத்தின் கடற்கரைப் பாதுகாப்புப் பிரிவினர் உடனடியாக அந்தப் பகுதியில் உள்ள அனைத்துக் கடற்கரைகளையும் மூடுவதற்கு உத்தரவிட்டுள்ளனர்.

கைலீஸ் கடற்கரை உடனடியாக மூடப்பட்ட நிலையில், அங்கு ஏற்கெனவே இருந்த சுற்றுலாப் பயணிகள் அனைவரும் வெளியேற்றப்பட்டனர். மேலும், மறு அறிவிப்பு வரும் வரை, அந்தப் பகுதிகளில் கடலில் குளிப்பதற்கும், நீர் விளையாட்டுகளுக்கும் தடை விதிக்கப்பட்டுள்ளது. சுறா தாக்குதலுக்கான காரணம் குறித்துக் கடல்சார் வல்லுநர்கள் தீவிர ஆய்வுகளை மேற்கொண்டு வருகின்றனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!