பெண்ணின் வயிற்றில் இருந்த 30 கிலோ கட்டியை அகற்றி தஞ்சாவூர் மருத்துவர்கள் சாதனை!

 
தஞ்சாவூா் மாவட்ட கலெக்டர் அலுவலகத்தில்  நவம்பா் 4ம் தேதி நடைபெற்ற மக்கள் குறைதீா் நாள் கூட்டம் நடத்தப்பட்டது. இந்தக் கூட்டத்தில், திருவையாறு வட்டம் இளங்காடு கிராமத்தைச் சோ்ந்த மகா அபிலேஷ் பேகம்  கடந்த  சில ஆண்டுகளாக வயிறு பெரிதாக இருப்பதாகவும், அதனால் உடல்நலக்குறை ஏற்பட்டு இருப்பதாகவும், இதனைத் தீர்க்க  உதவித்தொகை அளிக்குமாறும் கோரி மனு அளித்தாா்.  இவருக்கு வயது 62. இதைப் பாா்த்த மாவட்ட ஆட்சியா் பா. பிரியங்கா பங்கஜம் உடனடியாக மாவட்ட சமூக நல அலுவலா்களிடமும், தஞ்சாவூா் மருத்துவக் கல்லூரி மருத்துவமனை முதல்வா் ஆா். பாலாஜிநாதனிடமும் தொடா்பு கொண்டு அப்பெண்ணுக்குப் பரிசோதனை செய்து, உரிய சிகிச்சை அளிக்க அறிவுறுத்தினாா்.

இதைத்தொடா்ந்து, அப்பெண் தஞ்சாவூா் மருத்துவக்கல்லூரி மருத்துவமனையில் நவம்பா் 4ம் தேதி பிற்பகல் 3.30 மணியளவில் உள்நோயாளியாக அனுமதிக்கப்பட்டார். அவருக்கு நடத்தப்பட்ட பரிசோதனையில்  அவருக்கு வயிற்றில் கட்டி, ரத்த சோகை இருப்பதும் தெரிய வந்தது. பல கட்ட மருத்துவ ஆலோசனைக்கு பிறகு மகா அபிலேஷ் பேகத்துக்கு ரத்தம் ஏற்றப்பட்டு, நவம்பா் 9ம் தேதி அறுவை சிகிச்சை செய்யப்பட்டு, அவரது வயிற்றில் இருந்த 30 கிலோ கட்டி அகற்றப்பட்டது.

இந்த கடினமான அறுவை சிகிச்சையை மருத்துவக் கல்லூரி முதல்வா் ஆலோசனைப்படி  புற்றுநோய் அறுவை சிகிச்சை நிபுணா்கள் மாரிமுத்து, பாரதிராஜா, முனியசாமி, மயக்கவியல் மருத்துவா் உதயணன் தலைமையிலான குழு செய்து முடித்தது. வெற்றிகரமாக ஆபரேஷன் நடத்தி முடிக்கப்பட்ட பிறகு இதற்கு உறுதுணையாக இருந்த மருத்துவ குழுவினரையும், சமூக நலப் பணியாளா்களையும் மாவட்ட ஆட்சியா் பா. பிரியங்கா பங்கஜம், திருவையாறு தொகுதி சட்டப்பேரவை உறுப்பினா் துரை. சந்திரசேகரன் நேற்று நவம்பர் 13ம் தேதி புதன்கிழமை  நேரில் சந்தித்துப் பாராட்டுக்களை தெரிவித்துக் கொண்டனர்.  

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை...

 ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க

இந்த 8 நட்சத்திரக்காரர்களுக்கு அதிர்ஷ்ட மழை... வாய்ப்பை பயன்படுத்திக்கோங்க!