திருவையாறு தியாகராஜர் 179-வது ஆராதனை விழா தொடக்கம் - உயர்நீதிமன்ற நீதிபதி நெகிழ்ச்சி!

கர்நாடக இசையுலகின் ஒப்பற்ற மகான் தியாகராஜ சுவாமிகளுக்கு அஞ்சலி செலுத்தும் விதமாக, ஆண்டுதோறும் நடைபெறும் ஆராதனை விழா, காவிரி கரையில் அமைந்துள்ள திருவையாறில் நேற்று மாலை விமரிசையாகத் தொடங்கியது. தியாக பிரம்ம மகோற்சவ சபா தலைவரும், எம்.பி-யுமான ஜி.கே.வாசன் விழாவிற்குத் தலைமை தாங்கினார். மாவட்ட ஆட்சியர் பிரியங்கா பங்கஜம் முன்னிலை வகித்தார்.

சென்னை உயர் நீதிமன்ற நீதிபதி சுரேஷ்குமார் குத்துவிளக்கேற்றி விழாவைத் தொடங்கி வைத்தார். விழாவைத் தொடங்கி வைத்துப் பேசிய நீதிபதி சுரேஷ்குமார், தியாகராஜ சுவாமிகளின் பெருமைகளைப் பின்வருமாறு போற்றினார்: “இந்த ஆராதனை விழா இந்திய எல்லைகளைக் கடந்து, உலகம் முழுவதும் உள்ள இசைப் பிரியர்களால் கொண்டாடப்படும் ஒரு உன்னத நிகழ்வாக உருவெடுத்துள்ளது. இந்தியாவில் வேறு எந்த இசை நிகழ்விற்கும் இல்லாத சிறப்பாக, இதுவரை 5 இந்தியக் குடியரசுத் தலைவர்கள் இந்த விழாவில் பங்கேற்றுள்ளனர். 2,400 கீர்த்தனைகளைப் படைத்த ஒரே மகான் தியாகராஜ சுவாமிகள் மட்டுமே. சங்கீத மும்மூர்த்திகளில் அவர் 'தலைநாயகராகக்' கருதப்படுகிறார்.

தொடக்க நாளான நேற்று, பிரபல கர்நாடக இசைப் பாடகர்கள் சீர்காழி சிவசிதம்பரம் மற்றும் மகதி ஆகியோரின் இசை நிகழ்ச்சிகள் நடைபெற்றன. அவர்களின் கீர்த்தனைகள் திருவையாறு காவிரி கரையை இசை வெள்ளத்தில் நனைய வைத்தன.

இந்த விழாவின் மிக முக்கியமான நிகழ்வான பஞ்சரத்ன கீர்த்தனை ஆலாபனை வரும் நாட்களில் நடைபெறவுள்ளது. இதில் ஆயிரக்கணக்கான இசைக்கலைஞர்கள் ஒரே குரலில் பாடி தியாகராஜருக்கு இசை அஞ்சலி செலுத்த உள்ளனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!