இரவோடு இரவாக நடந்த அதிரடி.. தமிழகத்தில் 70 ஐபிஎஸ் அதிகாரிகள் பணியிட மாற்றம்!
தமிழகத்தில் 2026-ம் ஆண்டு பிறப்பதற்கு சில மணி நேரங்களுக்கு முன்பாக, காவல் துறையில் மிகப்பெரிய அளவில் மாற்றங்களைச் செய்து தமிழக அரசு நள்ளிரவில் அதிரடி உத்தரவு பிறப்பித்துள்ளது. மொத்தம் 70 ஐபிஎஸ் அதிகாரிகள் பணியிட மாற்றம் செய்யப்பட்டுள்ளனர்.
இந்த இடமாற்றத்தின் மிக முக்கியமான அம்சங்கள் மற்றும் உயர் அதிகாரிகளின் புதிய பொறுப்புகள் இதோ:
டிஜிபி அந்தஸ்துக்கு உயர்வு பெற்ற மூத்த அதிகாரிகள்:
டேவிட்சன் தேவாசீர்வாதம்: சட்டம் - ஒழுங்கு கூடுதல் டி.ஜி.பி.யாக இருந்த இவர், டி.ஜி.பி.யாகப் பதவி உயர்வு பெற்று, ஆயுதப்படை (Armed Police) டி.ஜி.பி.யாக நியமிக்கப்பட்டுள்ளார்.
சந்தீப் மிட்டல்: சைபர் கிரைம் கூடுதல் டி.ஜி.பி.யாக இருந்த இவர், பதவி உயர்வு பெற்று அதே பிரிவில் டி.ஜி.பி.யாக நியமிக்கப்பட்டார்.
பால நாகதேவி: பொருளாதார குற்றப்பிரிவு கூடுதல் டி.ஜி.பி.யாக இருந்த இவர், பதவி உயர்வு பெற்று அதே பிரிவில் டி.ஜி.பி.யாக நியமிக்கப்பட்டார். மேலும் இவர் சிவில் சப்ளை சி.ஐ.டி. பிரிவின் டி.ஜி.பி. பொறுப்பையும் கூடுதலாகக் கவனிப்பார்.
முக்கிய மண்டல மற்றும் ஆணையரக மாற்றங்கள்:
ஆவடி கமிஷனர்: தெற்கு மண்டல ஐ.ஜி.யாக இருந்த பிரேம் ஆனந்த் சின்ஹா, கூடுதல் டி.ஜி.பி.யாகப் பதவி உயர்வு பெற்று, ஆவடி மாநகரக் காவல் ஆணையராக நியமிக்கப்பட்டுள்ளார். (முன்னதாக ஆவடி கமிஷனராக இருந்த சங்கர், சிறைத்துறை கூடுதல் டி.ஜி.பி.யாக மாற்றப்பட்டுள்ளார்).
தாம்பரம் கமிஷனர்: அமலாக்கப்பிரிவு கூடுதல் டி.ஜி.பி.யாக இருந்த அமல்ராஜ், மீண்டும் தாம்பரம் மாநகரக் காவல் ஆணையராக நியமிக்கப்பட்டுள்ளார்.
சி.பி.சி.ஐ.டி.: ஐ.ஜி.யாக இருந்த அன்பு, கூடுதல் டி.ஜி.பி.யாகப் பதவி உயர்வு பெற்று அதே பிரிவில் பணியைத் தொடர்வார்.
பெண்கள் மற்றும் குழந்தைகள் பாதுகாப்பு: சிலை கடத்தல் தடுப்பு பிரிவு ஐ.ஜி.யாக இருந்த அனிஷா உஷேன், பதவி உயர்வு பெற்று பெண்கள் மற்றும் குழந்தைகள் பாதுகாப்பு பிரிவு கூடுதல் டி.ஜி.பி.யாக நியமிக்கப்பட்டுள்ளார்.
தலைமையக கூடுதல் டி.ஜி.பி.: மேற்கு மண்டல ஐ.ஜி.யாக இருந்த செந்தில்குமார், பதவி உயர்வு பெற்று சென்னை டி.ஜி.பி. அலுவலகத்தில் தலைமையக கூடுதல் டி.ஜி.பி.யாகப் பொறுப்பேற்பார்.
புத்தாண்டு தினத்தில் பல மூத்த அதிகாரிகள் ஓய்வு பெறுவதைக் கருத்தில் கொண்டும், 2026-ம் ஆண்டின் நிர்வாக வசதிக்காகவும் தமிழக அரசு இந்த அதிரடி நடவடிக்கையை மேற்கொண்டுள்ளது. இதன் மூலம் தமிழகத்தின் முக்கிய நகரங்கள் மற்றும் முக்கியக் காவல் பிரிவுகளில் புதிய தலைமைப் பொறுப்புகள் வழங்கப்பட்டுள்ளன.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!