“வீடியோ ஆதாரங்களை வெளியிட்டவருக்கு துப்பாக்கிய ஏந்திய போலீஸ் பாதுகாப்பு வழங்க வேண்டும்” திருமாவளவன் பேட்டி!
இன்று காலை மதுரையில் இருந்து சென்னை வந்த விடுதலைச் சிறுத்தைகள் கட்சியின் தலைவர் திருமாவளவன் விமான நிலையத்தில் செய்தியாளர்களை சந்தித்து பேசுகையில், “வீடியோ ஆதாரங்களை வெளியிட்டவருக்கு துப்பாக்கிய ஏந்திய போலீஸ் பாதுகாப்பு வழங்க வேண்டும்” என்றார். மேலும் பேசிய அவர், “அஜித் குமார் படுகொலை வழக்கில் தொடர்புடையவர் சாட்சிகளாக இருப்பவர்கள் அஞ்சும் நிலை ஏற்பட்டுள்ளது குடும்பத்தினருக்கும் அச்சுறுத்தல் உள்ளது வீடியோ எடுத்த நபரை நான் சந்திக்கவில்லை எனது இந்த வழக்கில் தொடர்புடைய நபர்களுக்கு தமிழக அரசு முறையான பாதுகாப்பு வழங்க வேண்டும்.. அவர்களுக்கு ஆயுதம் தாங்கிய போலீசார் பாதுகாப்பு வழங்க வேண்டும் என கேட்டுக் கொள்கிறேன்.
புகார் தாரரான சுமிதா மருத்துவர் என குறிப்பிடப்பட்டிருந்த நிலையில் அவர் பிஎச்டி பட்டம் பெற்றவர் என்பதும் அவர் குடும்பத்தினர் மீது ஏற்கனவே பண மோசடி வழக்கு உள்ளதும் தற்சமயம் வெளியாகி உள்ளது அது குறித்தும் முறையான விசாரணை மேற்கொள்ள வேண்டும் அவர் கோவிலுக்கு நகை கொண்டு வந்தாரா என்ற சந்தேகமும் இருக்கிறது ஆகவே இந்த வழக்கில் அது குறித்து விசாரணை மேற்கொள்வதும் முக்கியமானதாக உள்ளது அவருக்கு உயர் அதிகாரிகளின் ஆதரவு இருப்பதாக கூறப்படுகிறது ஆனால் நீதிமன்றத்தில் அது மறுக்கப்பட்டுள்ளது.கொண்டு வந்தாரா என்பது குறித்து தனி வழக்காக பதிவு செய்து விசாரணை மேற்கொள்ள வேண்டும்.
அதிமுக பாஜக இணைந்து தமிழ்நாடு காப்போம் என்ற முன்னெடுப்பு வெற்றி பெற வாழ்த்துகிறேன். ஆனால் பாஜக ஆர் எஸ் எஸ் சங் பரிவார் அமைப்புகளுடன் சேர்ந்து எப்படி இபிஎஸ் நாட்டை காப்பாற்ற போகிறார் என்பதுதான் சந்தேகமாக உள்ளது. அவரால் அவர்களால் தான் நாட்டிற்கு ஆபத்து.
முதலமைச்சரை நேரில் சென்று முறையிட்ட பின்பும் கல்வித்துறைக்கான நிதி ஒதுக்க தயாராக இல்லை எனும் பொழுது தமிழ்நாட்டின் மீது எவ்வளவு கரிசனமாக மத்திய அரசு இருக்கிறது என்பதை புரிந்து கொள்ள வேண்டும் தமிழகத்து மாணவர்களுக்கு கிடைக்க வேண்டிய நிதியை தராமல் முடக்குவது கட்சிக்கு எதிரானது அல்ல அரசுக்கு எதிரானது அல்ல மாணவர்களுக்கு எதிரானது இதை தமிழ்நாட்டு மக்கள் புரிந்து கொள்ள வேண்டும்.
காவல்துறையில் நல்லவர்களும் இருக்கிறார்கள், கெட்டவர்களும் இருக்கிறார்கள் மூர்க்கத்தனமானவர்களும் இருக்கிறார்கள் பொது மக்களை பாதுகாக்க கூடிய வகையில் பயிற்சி தேவைப்படுகிறது மக்களிடத்தில் அணுகும் முறை பல வன்முறைகளுக்கு காரணமாக அமைந்து விடுகிறது” என்றார்.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!