அரங்கம் அதிர.. விசில் பறக்க.. மேடையில் நடனமாடிய விஜய்!

தமிழக வெற்றிக் கழகம் தொடங்கப்பட்டு நேற்றுடன் இரண்டு ஆண்டுகள் நிறைவடைந்து, மூன்றாம் ஆண்டில் அடி எடுத்து வைத்துள்ளது. இதையொட்டி நடைபெற்ற கட்சி நிர்வாகிகள் கூட்டத்தில் விஜய் பங்கேற்றுப் பேசினார். இந்த விழாவில், தவெக-வின் புதிய எழுச்சிப் பாடல்கள் ஒளிபரப்பப்பட்டபோது, அங்கிருந்த தொண்டர்களின் ஆரவாரத்திற்கு இணங்க விஜய் மேடையில் சில நொடிகள் நடனமாடினார்.

சமீபத்தில் தவெக-வுக்கு 'விசில்' சின்னம் ஒதுக்கப்பட்டதை முன்னிட்டு, அந்தப் பாடலுக்கு அவர் ஆடிய நடனம் அரங்கத்தையே அதிரவைத்தது. விஜய்யின் இந்தத் திடீர் நடனம், நீண்ட நாட்களுக்குப் பிறகு அவரைத் திரையில் பார்த்தது போன்ற உணர்வைத் தந்ததாக அங்கிருந்த நிர்வாகிகள் நெகிழ்ச்சியுடன் தெரிவித்தனர். நடனத்திற்குப் பிறகு மேடையில் பேசிய விஜய், 2026 சட்டமன்றத் தேர்தலை நோக்கித் தங்களின் இலக்கு தெளிவாக இருப்பதாகக் குறிப்பிட்டார்:

"தவெக என்பது ஒரு ஆழமான கடல் போன்றது; யாராலும் எங்களை ஓரம் கட்டிவிட முடியாது" என்று அவர் சூளுரைத்தார். "சதித்திட்டங்களையும், எதிர்ப்புகளையும் இடது கையால் கையாண்டு நாம் வெற்றி பெறுவோம். 2026-ல் தமிழக அரசியல் வரலாறு மாறும்" எனத் தொண்டர்களுக்கு நம்பிக்கை அளித்தார்.

முன்னதாகக் கரூரில் நடந்த கூட்ட நெரிசல் சம்பவத்தைக் கருத்தில் கொண்டு, இந்த விழா மிகவும் கட்டுப்பாட்டுடன் நடத்தப்பட்டது. அங்கீகரிக்கப்பட்ட நிர்வாகிகள் மட்டுமே QR கோட் அடிப்படையிலான அனுமதிச் சீட்டுகளுடன் அனுமதிக்கப்பட்டனர். கூட்ட நெரிசலைத் தவிர்க்கத் தன்னார்வலர்கள் மற்றும் தனியார் பாதுகாப்புப் படையினர் அதிகளவில் ஈடுபடுத்தப்பட்டனர். விஜய்யின் இந்த 'டான்ஸ் மோட்' வீடியோக்கள் தற்போது 'தளபதி' ரசிகர்களிடையே இணையத்தில் ட்ரெண்டாகி வருகின்றன.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!