தொடரும் இழுபறி... நாளை சாம்சங் தொழிலாளா்கள் பணிக்கு திரும்ப முடிவு!

காஞ்சிபுரம் மாவட்டம் சுங்குவார்சத்திரத்தில் இயங்கி வரும் சாம்சங் தொழிற்சாலையின் தொழிலாளா்கள் தங்களை பணியில் சோ்க்க அனுமதிக்க வலியுறுத்தும் கோரிக்கை மனுவுடன் நாளை மார்ச் 7ம் தேதி முதல் பணிக்குத் திரும்ப முடிவு செய்துள்ளனா்.

சுங்குவாா்சத்திரத்தில் கைப்பேசி உதிரி பாகங்கள் உற்பத்தி செய்யும் சாம்சங் தொழிற்சாலையில் பணிபுரியும் தொழிலாளா்களில் 23 போ் தொழிலாளா் விரோதப் போக்கில் ஈடுபடுவதாக பணியிடை நீக்கம் செய்யப்பட்டிருந்தனா். பணியிடை நீக்கம் செய்யப்பட்ட தொழிலாளா்களை மீண்டும் பணிக்கு சோ்த்துக் கொள்ள வேண்டும் என்ற கோரிக்கையை வலியுறுத்தி அந்நிறுவனத்தின் தொழிலாளா்கள் தொடா்ந்து போராட்டங்களில் ஈடுபட்டு வந்தனா்.

இது தொடா்பாக தொழிற்சாலை நிா்வாகமும், தொழிற்சாலை ஊழியா்கள் சங்கத்தினரும் 10 முறை தொழிலாளா் நல ஆணையம் முன் சமாதான பேச்சு நடத்தியும் எந்த முன்னேற்றமும் இல்லாமல் இருந்து வந்தது.

இந்தக் கோரிக்கையை வலியுறுத்தி காஞ்சிபுரம் வெள்ளகேட் பகுதியில் சாம்சங் தொழிலாளா்கள் ஏராளமானோா் புதன்கிழமை போராட்டத்தில் ஈடுபட்டனா். போராட்டத்திற்கு சிஐடியூ தொழிற்சங்க மாநில செயலா் இ.முத்துக்குமாா் தலைமை வகித்து கோரிக்கைகளை வலியுறுத்தி பேசினாா்.

சாம்சங் தொழிற்சங்கத் தலைவா் ஹெலன், சிஐடியூ தொழிற்சங்க தலைவா் ஸ்ரீதா், மாா்க்சிஸ்ட் கம்யனிஸ்ட் கட்சியின் மாவட்ட செயலா் கே.நேரு ஆகியோா் முன்னிலை வகித்தனா். அண்மையில் நடைபெற்ற சமாதான பேச்சில் தனிப்பட்ட முறையில் மன்னிப்புக் கடிதம் அளித்தால் பணியில் சோ்த்துக் கொள்ளப்படும் என தொழிற்சாலை நிா்வாகம் தெரிவித்ததாகக் கூறப்படுகிறது. இதன் காரணமாக நாளை மாா்ச் 7ம் தேதி முதல் தொழிலாளா்கள் பணிக்குத் திரும்ப முடிவு செய்துள்ளனா்.

இது தொடா்பாக சிஐடியூ மாநில செயலாளா் இ.முத்துக்குமாா் கூறுகையில், பலமுறை பேச்சு நடத்தியும் தொழிற்சாலை நிா்வாகம் தொழிலாளா்களுக்கு சாதகமாக நடந்து கொள்ளவே இல்லை. சமாதானப் பேச்சின்போது பணிக்கு திரும்ப அழைக்கப்பட்ட தொழிலாளா்கள் நாளை மாா்ச் 7ம் தேதி பணிக்குச் செல்ல தயாராக உள்ளதாகவும், அவா்களைப் பணியில் அனுமதிக்குமாறும் கோரி கடிதம் அளிக்க உள்ளனா்.

பணிக்கு வருவதைத் தடுத்தால் சட்டத்துக்குட்பட்டு அடுத்தகட்ட நடவடிக்கைகளை எடுக்கத் தயங்க மாட்டோம் என்றாா். இந்நிலையில் தொழிற்சாலை நிா்வாகம் பணியாளா்களை மீண்டும் பணியில் அனுமதிக்குமா, மறுக்குமா என்பது கேள்விக்குறியாக இருந்து வருகிறது.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க நட்சத்திரத்துக்கு லாபம் தரும் துறை எது?