டிரம்ப் பதவியேற்கும் போது அமெரிக்க கொடி அரைக் கம்பத்தில் பறந்துக் கொண்டிருக்கும்... ஏன்? என்ன செய்ய போகிறார் டிரம்ப்!?

அமெரிக்க அதிபராக டொனால்ட் டிரம்ப் இம்மாதம் 20ம் தேதி பதவியேற்கும் போது அந்நாட்டின் தேசிய கொடி அரைக் கம்பத்தில் பறந்துக் கொண்டிருக்கும். இது குறித்து பதவி ஏற்ற பின்னர் வேண்டுமானால் டிரம்ப் உத்தரவை மாற்றியமைக்கலாம். 

முன்னாள் அமெரிக்க அதிபர், மறைந்த ஜிம்மி கார்ட்டர் தன்னுடைய 100வது வயதில் காலமான நிலையில், அவரது மறைவுக்கு துக்கம் அனுசரிக்கும் வகையில் அமெரிக்க தேசியக் கொடி அரைக் கம்பத்தில் பறக்கவிடப்படும் என்று தற்போதைய அமெரிக்க அதிபர் ஜோ பைடன் உத்தரவிட்டிருந்தார்.

இந்நிலையில், அமெரிக்க அதிபராக பதவியேற்கும் வரை டொனால்ட் டிரம்ப் இது குறித்து எந்தவிதமான உத்தரவையும் பிறப்பிக்க முடியாது என்பதால், டிரம்ப் பதவியேற்கும் போதும் கூட அமெரிக்க தேசியக் கொடி அரைக் கம்பத்தில் தான் பறந்து கொண்டிருக்கும். தேசிய கொடி அரைக்கம்பத்தில் பறக்கும் நடவடிக்கையில் டிரம்பால் எதையும் செய்ய இயலாது. 

வழக்கமாக அமெரிக்க அதிபரோ அல்லது முன்னாள் அதிபரோ மரணமடையும் போது அரசு அலுவலகக் கட்டடங்கள், வளாகங்கள், அமெரிக்க தூதரகங்கள், பாதுகாப்புப் படை அலுவலகங்களில் தேசியக் கொடி 30 நாட்களுக்கு அரைக்கம்பத்தில் தான் பறக்க விடப்படும். அதன் படி தான் தற்போது வரை அமெரிக்காவில் தேசிய கொடி அரைக்கம்பத்தில் பறக்கவிடப்பட்டிருக்கிறது. ஜனவரி 28ம் தேதி வரை அப்படியே தான் அரைக்கம்பத்தில் அமெரிக்க தேசிய கொடி பறக்கும். 

டொனால்ட் டிரம்ப் அமெரிக்க அதிபராக பதவியேற்கும் ஜனவரி 20ம் தேதியும் அதன் பின்னர் டிரம்பின் ஆட்சித் தொடங்கிய முதல் வாரம் முழுவதும் அமெரிக்க தேசியக் கொடி அரைக்கம்பத்தில் தான் பறந்துக் கொண்டிருக்கும் என்று தகவல்கள் தெரிவிக்கின்றன.

பொதுவாக தேசியக் கொடி பறப்பது தொடர்பான உத்தரவுகளை அமெரிக்க அதிபர், ஆளுநர், மாகாண மேயர்கள் பிறப்பிக்கலாம். ஒருவேளை, டொனால்ட் டிரம்ப் பதவியேற்றதும் அமெரிக்க தேசியக் கொடி அரைக்கம்பத்தில் பறக்க விடுவதை மாற்றும்படி உத்தரவு பிறப்பிக்கலாம். ஆனால் அதற்கு முன்பாக அவரால் இதை மாற்ற முடியாது.

2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!

மார்கழிக் கோலத்தில் மட்டும் பூசணிப்பூ வைப்பது ஏன்?!

மார்கழி மாதத்தில் இந்த தவற மட்டும் செய்யாதீங்க!

மார்கழி மாதத்துக்கு இத்தனை சிறப்புகளா? விரதமுறை, பலன்கள்!!

மார்கழி மாதம் ஏன் திருமணம் செய்யக்கூடாது... பிரமிக்க வைக்கும் விஞ்ஞான உண்மைகள்!