பகீர் வீடியோ... இளம் விஞ்ஞானி கொடூர கொலை... அடித்தே கொன்ற பக்கத்து வீட்டுக்காரர்!
இளம் விஞ்ஞானி ஒருவர் பக்கத்து வீட்டுக்காரரால் பார்க்கிங் பிரச்சனைக் காரணமாக அடித்தே கொலைச் செய்யபட்ட சம்பவம் பெரும் அதிர்ச்சியையும், சோகத்தையும் ஏற்படுத்தியுள்ளது.
ஜார்க்கண்ட் மாநிலத்தைச் சேர்ந்த மருத்துவரான அபிஷேக் என்பவர் இந்தியன் இன்ஸ்டிடியூட் ஆஃப் சயின்ஸ் எஜுகேசன் மற்றும் ரிசர்ச் மையத்தில் விஞ்ஞானியாக பணிபுரிந்து வந்தார். சுவிட்சர்லாந்து நாட்டில் பணிபுரிந்து வந்த அபிஷேக் சமீபத்தில் தான் இந்தியா திரும்பி மொகாலியில் பணியில் சேர்ந்து இருந்தார். மேலும் சிறுநீரக கோளாறால் பாதிக்கப்பட்டிருக்கும் அபிஷேக்கிற்கு, அவரது சகோதரி தனது ஒரு சிறுநீரகத்தை தானமாக கொடுத்திருந்தார்.
Viral Video CCTV : पंजाब के मोहाली में पार्किंग को लेकर झगड़ा, वैज्ञानिक की मौत | N18S#punjab #punjabnews #mohalinews #news18indianumber1 #shorts pic.twitter.com/Om40oM9kJK
— News18 India (@News18India) March 13, 2025
இதற்காக தொடர்ந்து சிகிச்சையில் இருந்து வந்த அபிஷேக் மொகாலியில் செக்டர் 67ல் தனது பெற்றோருடன் வசித்து வந்தார். வாடகை வீட்டில் வசித்து வந்த அவர் தனது வீட்டிற்கு வெளியில் தனது இரு சக்கர வாகனத்தை நிறுத்தி இருந்தார். அவரது இரு சக்கர வாகனம் அருகில் அவரது பக்கத்து வீட்டில் வசிக்கும் மொகந்தி உட்பட சிலர் இரு சக்கர வாகனத்தை சூழ்ந்து நின்று கொண்டிருந்தனர்.
வண்டியை எடுக்க சென்ற போது, அங்கு நின்றவர்களுக்கும் அபிஷேக்கிற்கும் இடையே கடும் வாக்குவாதம் ஏற்பட்டுள்ளது. இதில் அபிஷேக்கை அங்கு நின்று கொண்டிருந்த மொகந்தி என்பவர் கீழே பிடித்து தள்ளி விட்டார். கீழே தள்ளியும் ஆத்திரம் தீராமல் தரையில் விழுந்து கிடந்த அபிஷேக்கை மொகந்தி தொடர்ந்து அடித்து உதைத்தார்.
.
அதற்குள் அபிஷேக் குடும்பத்தினர் ஓடி சென்று, மொகந்தியை விரட்டிவிட்டு அபிஷேக்கை அங்கிருந்து பதறியடித்தப்படி மருத்துவமனைக்கு தூக்கி சென்றனர். மருத்துவர்கள் பரிசோதித்து பார்த்து விட்டு, அபிஷேக் ஏற்கனவே உயிரிழந்து விட்டதாக தெரிவித்தனர்.
இந்த சம்பவம் முழுவதும் நடைபெற்ற பார்க்கிங் இடத்தில் இருந்த சிசிடிவி கண்காணிப்பு கேமரா காட்சிகள் சமூக வலைதளங்களில் வெளியாகி அதிர்வலைகளை ஏற்படுத்தியுள்ளது. இந்தப் பதிவின் அடிப்படையில் மொகந்தி மீது வழக்கு பதிவு செய்து விசாரணை நடத்தி வருகின்றனர்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!