உலகின் மிகப்பெரிய நிதி மோசடி... மலேசிய முன்னாள் பிரதமருக்கு 15 ஆண்டுகள் சிறைதண்டனை விதித்து தீர்ப்பு!

மலேசியாவின் முன்னாள் பிரதமர் நஜீப் ரசாக் மீதான பல கோடி ரூபாய் பணமோசடி வழக்கில், அவருக்கு 15 ஆண்டுகள் சிறை தண்டனை விதித்து மலேசிய நீதிமன்றம் அதிரடித் தீர்ப்பளித்துள்ளது. ஏற்கனவே ஊழல் வழக்கில் சிறையில் இருக்கும் அவருக்கு, இந்த புதிய தீர்ப்பு பெரும் பின்னடைவை ஏற்படுத்தியுள்ளது.

மலேசியாவில் 2009 முதல் 2018 வரை பிரதமராக இருந்த நஜீப் ரசாக், நாட்டின் பொருளாதார மேம்பாட்டிற்காக 1MDB (1Malaysia Development Berhad) என்ற அரசு முதலீட்டு அமைப்பை உருவாக்கினார். ஆனால், இந்த அமைப்பின் மூலம் வெளிநாடுகளில் இருந்து பெறப்பட்ட பில்லியன் கணக்கான டாலர் நிதி, முறைகேடாக நஜீப் ரசாக்கின் தனிப்பட்ட வங்கிக் கணக்குகளுக்கு மாற்றப்பட்டதாகப் புகார் எழுந்தது.

கடந்த 2018-ம் ஆண்டு பதவியிழந்த பிறகு கைது செய்யப்பட்ட நஜீப் ரசாக் மீது பல்வேறு வழக்குகள் பதியப்பட்டன. இதில் SRC International தொடர்பான வழக்கில் அவர் குற்றவாளி என உறுதி செய்யப்பட்டு, அவருக்கு 6 ஆண்டுகள் சிறை தண்டனை விதிக்கப்பட்டது. தற்போது அவர் அந்தத் தண்டனையை அனுபவித்து வருகிறார்.

நேற்று (டிசம்பர் 26, 2025) நடைபெற்ற 1MDB தொடர்பான பிரதான பணமோசடி வழக்கில், நஜீப் ரசாக் அதிகாரத்தைத் தவறாகப் பயன்படுத்தியது மற்றும் பணமோசடியில் ஈடுபட்டது ஆதாரங்களுடன் மெய்ப்பிக்கப்பட்டது. இதனையடுத்து, நீதிமன்றம் அவருக்கு 15 ஆண்டுகள் சிறை தண்டனை விதித்து உத்தரவிட்டது. மேலும் இந்த ஊழல் தொடர்பான அபராதத் தொகையும் விதிக்கப்பட்டுள்ளதாகத் தகவல்கள் தெரிவிக்கின்றன.

உலகின் மிகப்பெரிய நிதி மோசடிகளில் ஒன்றாகக் கருதப்படும் இந்த 1MDB வழக்கில், ஒரு நாட்டின் முன்னாள் பிரதமருக்கு இத்தனை ஆண்டுகள் சிறை தண்டனை விதிக்கப்பட்டிருப்பது சர்வதேச அரசியல் களத்தில் பெரும் பரபரப்பை ஏற்படுத்தியுள்ளது. மலேசியாவின் தற்போதைய அரசு, ஊழலுக்கு எதிரான தங்களின் நடவடிக்கையில் இந்தத் தீர்ப்பு ஒரு மைல்கல் எனக் கருதுகிறது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!