தினம் ஒரு திருப்பாவை ... பாசுரம் 15!

மார்கழி 15... தினம் ஒரு திருப்பாவை... பாசுரம் 15

இதோ வருகிறேன்...

எல்லே இளங்கிளியே! இன்னும் உறங்குதியோ!
சில்லென்று அழையேன்மின் நங்கைமீர்! போதருகின்றேன்
வல்லையுன் உன் கட்டுரைகள் பண்டேயுன் வாயறிதும்
வல்லீர்கள் நீங்களே நானேதான் ஆயிடுக
ஒல்லை நீ போதாய் உனக்கென்ன வேறுடையை
எல்லாரும் போந்தாரோ? போந்தார் போந்து எண்ணிக்கொள்
வல்லானை கொன்றானை மாற்றாரை மாற்றழிக்க
வல்லானை மாயனைப் பாடலோர் எம்பாவாய்.

பொருள் விளக்கம் :

மார்கழி விடியலில், பாவை நோன்புக்காக தோழிகள் எல்லாம் கூடிவிட்டனர். ஒருத்தி மட்டும் கதவைத் திறக்காமல் தூங்கிக்கொண்டே இருக்கிறாள். அழைத்தும் எழாத அவளை, “எங்களை எல்லாம் காத்திருக்க வைத்தாயே” என சற்றுக் கடுமையாகவே தோழிகள் எழுப்புகிறார்கள். விடியல் அறிகுறிகள் தெளிவாகத் தெரிந்தும், கண்ணனைப் பாடாமல் உறங்குவது ஏன் என்ற கேள்வியும் எழுகிறது.

அப்போது அந்த தோழி, கோபத்துடன் “இதோ வருகிறேன்” என பதில் சொல்கிறாள். இதைக் கேட்டதும் மற்ற தோழிகள் சிடுசிடுத்து பேசுகின்றனர். இவ்வளவு நேரம் தூங்கி விட்டு இப்போது கோபமா என்ற சலசலப்பும் எழுகிறது. பேசத் தெரியாது, ஏமாற்றுக்காரியாக இருந்து போகிறேன் என அந்த பெண் சொல்ல, வாக்குவாதம் இன்னும் சூடுபிடிக்கிறது.

இறுதியில் தோழிகள் உண்மையைச் சொல்கிறார்கள். எல்லாரும் முன்பே எழுந்து கண்ணனை வணங்க தயாராக இருக்கிறோம். உனக்கு மட்டும் என்ன சிறப்பு என்கிறார்கள். வலிமைமிகு யானையை வீழ்த்திய மாயக்கண்ணனை நினைத்தால், சண்டை எல்லாம் மறந்து ஓடிவருவாய் என்பதே அந்த பாடலின் உள்ளார்ந்த அர்த்தம். மார்கழியில் கண்ணனை நினைக்கும் ஒவ்வொரு நிமிடமும் நன்னாளே.

ஒரு பாடலை இருதரப்பார் பாடுவது போல, யாருடைய பெயரையும் குறிப்பிடாமல் இனிமையாக அமைத்திருக்கிறாள் ஆண்டாள். பெண்களின் பேச்சுத் திறனை வெளிப்படையாக காட்டும் இந்தப் பாடல், இயல்பான கலகலப்பை தன்னுள் கொண்டுள்ளது. சொல்லுக்கு சொல் சுறுசுறுப்பும், உணர்ச்சிக்கு உணர்ச்சி நெருக்கமும் தெரிகிறது.தூங்கிக் கொண்டிருக்கும் தோழியை எழுப்பும் முயற்சியில், தோழிகளின் கலாய்ப்பும் சின்ன சண்டையும் நகைச்சுவையாக வெளிப்படுகிறது. யாரும் யாரையும் காயப்படுத்தவில்லை. ஆனால் வார்த்தைகள் சிரிப்பை வரவழைக்கின்றன. அன்றாட வாழ்க்கையின் சிறு உரசல்கள் பாடலாக மாறியுள்ளன.படிக்கப்படிக்க சர்க்கரைத் துண்டாய் இனிக்கும் பாடல் இது. இந்தப் பாடலுடன் தோழியை எழுப்பும் படலம் நிறைவடைகிறது. ஆனாலும், ஆண்டாளின் கவிதைச் சுவை மனதில் நீண்ட நேரம் தங்கிவிடுகிறது. மார்கழி பனிக்குள் கூட இந்த வரிகள் சூடாய் ஒளிர்கின்றன.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!