மனம் திறந்த சூப்பர் ஸ்டார்... ஜெயலலிதாவை எதிர்த்ததற்கு காரணம் இது தான்.. !
தமிழ் திரையுலகில் சூப்பர் ஸ்டார் நடிகர் ரஜினிகாந்த். இவருக்கும் தமிழகத்தின் மறைந்த முன்னாள் முதல்வர் ஜெயலலிதாவுக்கும் இடையில் 1990-களில் ஏற்பட்ட உரசல்கள் பற்றி பல்வேறு செய்திகள் உலா வந்தன. இதைத் தான் படையப்பா படத்தில் பெண் வில்லி கதாபாத்திரம் ரம்யாகிருஷ்ணனை வடிவமைத்ததாக பல்வேறு செய்திகள் வெளியாகின.
இப்படியான சமயத்தில், நான் ஏன் ஜெயலலிதாவை எதிர்த்தேன் என நடிகர் ரஜினிகாந்த் விளக்கம் அளித்துள்ளார். ஏப்ரல் 9-ல் உயிரிழந்த அதிமுக மூத்த தலைவர் முன்னாள் அமைச்சர் ஆர்.எம்.வீரப்பன் பற்றிய டாக்குமென்டரியில் அவரது நினைவுகள் பற்றி பலரும் தங்கள் நினைவலைகளை பதிவிட்டுள்ளனர்.
இந்த டாக்குமென்டரி வீடியோவில் நடிகர் ரஜினிகாந்த், ஆர்.எம்.வீரப்பன் பற்றிய நினைவுகளை பகிர்ந்து கொண்டார். அதில், தான் நடித்த பாட்ஷா திரைப்படத்தின் 100வது நாள் விழாவில் ஆர்.எம்.வீரப்பன் கலந்து கொண்டிருந்தார். அப்போது அவர் அதிமுகவில் ஜெயலலிதா அமைச்சரவையில் இடம் பெற்றிருந்தார்.
அந்த விழாவில் நான் பேசுகையில் வெடிகுண்டு கலாச்சாரம் பற்றி பேசினேன். மேடையில் ஆர்.எம்.வீரப்பன் இருந்தார். ஆர்.எம்.வீரப்பனை அமைச்சர் பதவியில் இருந்து முதலமைச்சர் ஜெயலலிதா நீக்கிவிட்டார் என அறிந்தேன். அமைச்சர் மேடையில் இருக்கும் போதே ஒருவர் அரசை விமர்சித்து பேசியுள்ளார். அப்போது அமைச்சர் ஒன்றும் சொல்லவில்லை என ஜெயலலிதா அமைச்சரவையில் இருந்து ஆர்.எம்.வீரப்பன் நீக்கியதாக தகவல் கிடைத்தது.
என்னால், ஒருவரது அமைச்சர் பதவி பறிபோய் விட்டதே என எனக்கு வருத்தமாகிவிட்டது. பிறகு அவரை தொடர்பு கொண்டு பேசினேன். அப்போது இவர் எதுவும் நடக்காதது போல என்னிடம் பேசினார். அதனை விடுங்க, நீங்க எந்த பட ஷூட்டிங்கில் இருக்கிறீர்கள் என பேசினார். பிறகு, நான் ஜெயலலிதாவிடம் பேசட்டும் என கேட்டேன். வேணாம் பிரச்சனை பெரிதாகும். நீங்கள் சொல்லி பிறகு நான் சேர வேண்டாம் இருக்கட்டும் என கூறிவிட்டார்.
அந்த காலகட்டத்தில் ஜெயலலிதாவை எதிர்க்க சில காரணங்கள் இருந்தாலும், அதில் இதுவும் ஒரு முக்கிய காரணம். ” என அந்த டாக்குமென்டரி வீடியோவில் நடிகர் ரஜினிகாந்த் தெரிவித்துள்ளார். கிட்டத்தட்ட 30 வருட அரசியல் கேள்விக்கு விளக்கம் அளித்துள்ளார் என்றே பலரும் கூறி வருகின்றனர்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!