வெள்ளிக்கிழமையில் இன்ப அதிர்ச்சி... தங்கம் அதிரடி விலைக்குறைப்பு!

சர்வதேச சந்தையில் தங்கத்தின் விலை நிலவரத்தின் அடிப்படையில் சென்னையில் ஆபரணத் தங்கத்தின் விலை நிர்ணயிக்கப்பட்டு வருகிறது.  அந்த வகையில் நகைப்பிரியர்களுக்கு 2025ம் ஆண்டு அதிர்ச்சி தரும் ஆண்டாகவே உள்ளது. புத்தாண்டு தொடக்கம் முதலே தங்கத்தின் விலை புதுப்புது உச்சத்தினை தொட்டு வருகிறது.  

இதனால் தங்க நகை பிரியர்கள் நகைக்கடைகளை வேடிக்கை பார்க்கும் நிலைக்கு தள்ளப்பட்டுள்ளனர். ராக்கெட் வேகத்தில் உயர்ந்து வரும் தங்கம் விலை உயர்வால் திருமணத்திற்கு நகை வாங்க திட்டமிட்டவர்கள்  கதறும் நிலைக்கு தள்ளப்பட்டுள்ளனர். இந்த விலை உயர்வால் தங்க நகைகளில் அதிகளவில் முதலீடு செய்தவர்கள் சந்தோஷத்தில் துள்ளி குதித்து வருகின்றனர்.   
தங்கத்தின் விலையானது இன்னும் பல மடங்கு அதிகரிக்க போவதாகவும்  ஒரு சவரன் எளிதாக 70 முதல் 80 ஆயிரத்தை தொட்டுவிடும் எனவும் பொருளாதார நிபுணர்கள் தெரிவித்துள்ளனர்.  

இந்நிலையில் தங்கத்தின் விலை இந்த வாரத்தொடக்கத்தில் இருந்து உயர்ந்து வருகிறது. அதன் படி, இந்தவாரத்தில் மட்டும்  தங்கம் விலை சவரனுக்கு 1440 ரூபாய் அதிகரித்துள்ளது.  அந்த வகையில் நேற்றும் தங்கத்தின் விலை கிராமுக்கு ரூ35 உயர்ந்து ஒரு கிராம் ரூ8070க்கும் , சவரனுக்கு ரூ280 உயர்ந்து ஒரு சவரன் ஆபரணத் தங்கத்தின் விலை ரூ 64,560 க்கு விற்பனை செய்யப்பட்டது. இந்நிலையில் யாரும் எதிர்பார்க்காத வகையில் இன்று தங்கத்தின் விலையானது  அதிரடியாக குறைந்துள்ளது. அந்த வகையில் கிராமுக்கு ரூ 45  குறைந்து  ஒரு கிராம் ஆபரணத் தங்கத்தின் விலை ரூ 8025க்கும், சவரனுக்கு  ரூ360 குறைந்து  ஒரு சவரன் ஆபரணத் தங்கத்தின் விலை ரூ64200க்கும்  விற்பனை செய்யப்பட்டு வருகிறது. நீண்ட நாட்களுக்கு பிறகு தங்கம் விலை குறைந்திருப்பது நகைப்பிரியர்களை உற்சாகம் அடைய வைத்துள்ளது.  

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

 உங்க நட்சத்திரத்துக்கு லாபம் தரும் துறை எது?