அமெரிக்காவில் தொடரும் சோகம்.. இந்திய வம்சாவளி பாதிரியார் சுட்டுக் கொலை!
அமெரிக்காவில் இந்திய மாணவர்கள் சுட்டுக் கொலை செய்யப்படுவதும் அவர்களின் மரணமும் தொடர்கதையாகி வருகிறது. அந்த வகையில் அமெரிக்காவின் கன்சாஸ் மாகாணம் செனிகா நகரில் கத்தோலிக்க தேவாலயம் ஒன்று செயல்பட்டு வருகிறது. அங்கு இந்திய வம்சாவளியைச் சேர்ந்த அருள் காரசாலா என்பவர் பாதிரியாராகப் பணிபுரிந்து வந்தார். இந்நிலையில் ஆலய நிர்வாக அலுவலகத்தில் அவரை சந்திக்க, கேரி ஹெர்மேஷ் (வயது 66) என்பவர் சென்றிருந்தார். அவர்கள் இருவரும் பேசிக்க்கொண்டிருந்தபோது இருவருக்கும் இடையே வாக்குவாதம் ஏற்பட்டது.
இதில் ஆத்திரம் அடைந்த கேரி திடீரென பாதிரியாரை துப்பாக்கியால் சுட்டுவிட்டு தப்பியோடிவிட்டார். படுகாயம் அடைந்த காரசாலாவை அங்கிருந்தவர்கள் மீட்டு மருத்துவமனைக்கு கொண்டு சென்றனர். ஆனால் சிகிச்சை பலனின்றி உயிரிழந்தார். அங்கு விரைந்து வந்த போலீசார் துப்பாக்கிச்சூடு நடத்திய கேரி ஹெர்மேஷை கைது செய்து தீவிர விசாரணை நடத்தி வருகின்றனர்.
எனினும், துப்பாக்கிச்சூடு காரணம் குறித்து எதுவும் அவர்கள் தெரிவிக்கவில்லை. அதேநேரத்தில் பாதிரியாரின் மரணம், சுமார் 2,100 பேர் வசிக்கும் செனிகா நகர் மக்களை அதிர்ச்சியில் ஆழ்த்தியுள்ளது. காரசாலா, 2011 முதல் செயிண்ட்ஸ் பீட்டர் மற்றும் பால் கத்தோலிக்க தேவாலயத்தில் போதகராக பணிபுரிந்து வந்தார் என்று திருச்சபை வலைத்தளத்தில் தெரிவிக்கப்பட்டுள்ளது.
காரசாலா 1994ல் தனது சொந்த நாடான இந்தியாவின் தென்கிழக்கு கடற்கரையில் அமைந்துள்ள கடப்பா மறைமாவட்டத்திற்கு பாதிரியாராக நியமிக்கப்பட்டார். பேராயர் ஜேம்ஸ் பி.கெலேஹரால் பார்வையிட அழைக்கப்பட்ட பின்னர், 2004 முதல் கன்சாஸில், ஐந்து கன்சாஸ் திருச்சபைகளின் போதகராகவும் பணிபுரிந்தார். காரசாலா 2011ல் அமெரிக்க குடிமகன் ஆனார். அதேநேரத்தில் இந்தியாவின் வெளிநாட்டு குடிமகன் என்ற அந்தஸ்தையும் தக்க வைத்துக் கொண்டார். முன்னதாக மார்ச் மாத இறுதியில், இந்திய வம்சாவளியைச் சேர்ந்த தந்தை மற்றும் அவரது 24 வயது மகள் கொல்லப்பட்ட சம்பவம் பெரும் அதிர்ச்சியை ஏற்படுத்தியிருந்தது.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!