உச்சநீதிமன்ற தீர்ப்பை மீறி டிரம்ப் அதிரடி… இந்தியாவுக்கு மீண்டும் கூடுதல் வரி!

அமெரிக்கா உச்ச நீதிமன்றம் சமீபத்தில் வழங்கிய தீர்ப்பில், டிரம்ப் நிர்வாகம் முன்பு விதித்த சில இறக்குமதி வரிகள் ரத்து செய்யப்பட்டன. இதனால் இந்தியா உள்ளிட்ட நாடுகளுக்கு விதிக்கப்பட்டிருந்த 18% வரி 10% ஆக குறைந்தது. ஆனால் முன்னாள் அதிபர் டொனால்ட் டிரம்ப் இந்த தீர்ப்பை கடுமையாக விமர்சித்தார். “இந்த தீர்ப்பு நாட்டின் நலனுக்கு எதிரானது” என அவர் தெரிவித்தார்.

1974ஆம் ஆண்டு வர்த்தகச் சட்டத்தின் பிரிவு 122ன் கீழ் கூடுதலாக 10% வரி விதிக்கப்படும் என்று டிரம்ப் அறிவித்தார். இந்த சட்டம் அரசுக்கு 150 நாட்கள் வரை 15% வரை கூடுதல் வரி விதிக்கும் அதிகாரம் அளிக்கிறது. புதிய 10% வரி மூன்று நாட்களில் அமலுக்கு வரும் என்றும் கூறினார். “நான் விதித்த வரிகள் முழு வேகத்தில் தொடரும்” என அவர் வலியுறுத்தினார்.

இதனால் இந்தியா உள்ளிட்ட பல நாடுகளின் ஏற்றுமதி பொருட்களுக்கு கூடுதல் சுமை ஏற்படும் நிலை உருவாகியுள்ளது. 18% இலிருந்து 10% ஆக குறைந்த வரி, புதிய 10% மூலம் மீண்டும் உயர வாய்ப்பு உள்ளது. இந்த நடவடிக்கை சர்வதேச வர்த்தகத்தில் பதற்றத்தை அதிகரித்துள்ளதாக வர்த்தக வட்டாரங்கள் தெரிவிக்கின்றன.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!