"உங்கள் பிரார்த்தனையே என் பலம்... விரைவில் மீண்டு வருவேன்" ...மருத்துவமனையில் இருந்து வானதி சீனிவாசன் உருக்கமான வீடியோ!

கோவை வடக்கு தொகுதி பாஜக வேட்பாளரும், தேசிய மகளிர் அணித் தலைவருமான வானதி சீனிவாசன், தனது உடல்நிலை குறித்து மருத்துவமனையில் இருந்தபடி வீடியோ ஒன்றை வெளியிட்டுள்ளார். காலில் ஏற்பட்ட சிறிய தொற்று காரணமாகக் கடந்த ஏப்ரல் 10-ஆம் தேதி கோவையில் உள்ள தனியார் மருத்துவமனையில்  அனுமதிக்கப்பட்ட அவருக்கு, சிகிச்சையின் போது மருந்தினால் ஏற்பட்ட ஒவ்வாமை காரணமாகத் தீவிர சிகிச்சைப் பிரிவில் (ICU) கண்காணிக்கப்பட்டு வந்தார்.தற்போது அவரது உடல்நிலை தேறி வருவதைத் தொடர்ந்து, தனது ஆதரவாளர்களுக்கும் தொகுதி மக்களுக்கும் அவர் வீடியோ மூலம் செய்தி பகிர்ந்துள்ளார். அதில் அவர் கூறியுள்ளதாவது:

"உங்கள் அனைவருடைய அன்பும், இடைவிடாத பிரார்த்தனையுமே எனக்கு மிகப்பெரிய பலத்தைத் தருகிறது. இப்போது நான் நலமாக இருக்கிறேன். மருத்துவர்கள் இன்னும் சில நாட்கள் ஓய்வெடுக்க அறிவுறுத்தியுள்ளனர். கவலைப்பட ஏதுமில்லை, விரைவில் முழுமையாகக் குணமடைந்து உங்களிடையே தேர்தல் பிரசாரத்திற்குத் திரும்புவேன்."

வானதி சீனிவாசன் நேரடியாகக் களத்தில் இல்லாத நிலையிலும், அவரது மகன் மற்றும் பாஜக மாநிலத் தலைவர் அண்ணாமலை உள்ளிட்டோர் அவருக்கு ஆதரவாகத் தொகுதியில் தீவிர வாக்கு சேகரிப்பில் ஈடுபட்டு வருகின்றனர். அண்ணாமலை தனது பிரசாரத்தின் போது, "வானதி சீனிவாசன் விரைவில் திரும்புவார், மக்கள் அவருக்கு ஓய்வு கொடுத்துள்ளார்கள்" என்று குறிப்பிட்டிருந்தார்.

வானதி சீனிவாசன் இன்னும் 2 அல்லது 3 நாட்களில் மருத்துவமனையில் இருந்து வீடு திரும்புவார் என்றும், தேர்தலுக்கு முந்தைய இறுதிக்கட்டப் பிரசாரத்தில் அவர் மீண்டும் பங்கேற்பார் என்றும் எதிர்பார்க்கப்படுகிறது. இந்த வீடியோ வெளியானது முதல் அவரது ஆதரவாளர்கள் மற்றும் கட்சித் தொண்டர்கள் சமூக வலைதளங்களில் "Get Well Soon" என்ற செய்திகளுடன் அந்த வீடியோவை வைரலாக்கி வருகின்றனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!