தொழில்நுட்ப உலகில் சாதனை படைத்த இந்தியர்... வெர்ஸே இன்னோவேஷன் CPTO-வாக பிரசன்னா பிரசாத் நியமனம்!

டெய்லிஹண்ட், ஜோஷ் மற்றும் ஒன்இந்தியா உள்ளிட்ட முன்னணி டிஜிட்டல் தளங்களின் தாய் நிறுவனமான 'வெர்ஸே இன்னோவேஷன்', தனது தலைமைத் தயாரிப்பு மற்றும் தொழில்நுட்ப அதிகாரியாக (CPTO) பிரசன்னா பிரசாத்தை நியமித்துள்ளது. பொறியியல் மற்றும் தரவு அறிவியல் துறையில் 20 ஆண்டுகளுக்கும் மேலான சர்வதேச அனுபவம் கொண்ட இவர், இனி நிறுவனத்தின் பொறியியல், தயாரிப்பு மற்றும் ஏஐ (AI) பிரிவுகளைத் தலைமை தாங்கி வழிநடத்துவார். குறிப்பாக, வெர்ஸே நிறுவனத்தின் கீழ் இயங்கும் அனைத்துச் செயலிகளிலும் செயற்கை நுண்ணறிவு சார்ந்த நவீனத் தொழில்நுட்பங்களை உட்புகுத்துவதே இவருடைய முதன்மைப் பணியாக இருக்கும்.

அமெரிக்கா மற்றும் ஐரோப்பாவில் உலகளாவிய குழுக்களை வழிநடத்திய அனுபவம் கொண்ட பிரசன்னா, இதற்கு முன்பு 'வெர்வ் குரூப்' நிறுவனத்தில் சிடிஓ-வாகப் பணியாற்றி அந்த நிறுவனத்தின் வர்த்தகத்தை ஏஐ மூலம் பலமடங்கு உயர்த்தியவர். தற்போது வெர்ஸே நிறுவனத்தில், படைப்பாளர்கள் மற்றும் டிஜிட்டல் விளம்பரத் துறையில் ஏஐ தொழில்நுட்பத்தின் பங்களிப்பை வலுப்படுத்துவதில் அவர் கவனம் செலுத்தவுள்ளார். பயனர்களுக்குத் தேவையான உள்ளடக்கங்களைத் துல்லியமாகப் பரிந்துரைப்பதற்கும், விளம்பரத் துறையில் புதிய மாற்றங்களைக் கொண்டு வருவதற்கும் இவரது சர்வதேச அனுபவம் பெரும் துணையாக இருக்கும் என எதிர்பார்க்கப்படுகிறது.

தனது புதிய பொறுப்பு குறித்துப் பேசிய பிரசன்னா பிரசாத், ஒரு தளம் பிரம்மாண்டமாக வளரும்போது அதன் தொழில்நுட்பம் தனித்துவமானதாக இருக்க வேண்டும் என்றும், பயனர்களின் அனுபவத்தை மேம்படுத்துவதில் தொழில்நுட்பம் பாலமாகச் செயல்பட வேண்டும் என்றும் குறிப்பிட்டார். கூகுள், மைக்ரோசாப்ட் போன்ற முன்னணி நிறுவனங்களின் முதலீட்டைப் பெற்ற இந்தியாவின் முக்கியமான யூனிகார்ன் நிறுவனமான வெர்ஸே இன்னோவேஷன், பிரசன்னாவின் வருகை மூலம் தொழில்நுட்ப ரீதியாக அடுத்த கட்டத்திற்கு நகரும் எனத் தெரிகிறது

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!