வைரல் வீடியோ... முதல்ல க்ளீன் பண்ணுங்க... மது பாட்டில்களை சாலையில் உடைத்து இளைஞர்கள் அட்டூழியம்... கண்டித்த இளம்பெண்!
இந்தியாவில் உள்ள பிரசித்தி பெற்ற சுற்றுலா தளங்களில் குறிப்பிடத்தக்கது கோவா. இம்மாநிலம் தனது இயற்கை அழகு மற்றும் கடற்கரையால் சுற்றுலா பயணிகளை ஈர்க்கிறது. இங்கு சமீபத்தில் ஒரு குழு இளைஞர்கள் இந்த இயற்கை அழகை கெடுக்கக்கூடிய செயல்களில் ஈடுபட்டதாக சமூக வலைதளங்களில் வீடியோக்கள் வைரலாகி வருகிறது. அதன்படி இளைஞர்கள் சிலர் தங்களுடைய காரில் கோவாவிற்கு சுற்றுலா சென்றிருந்தனர். பின்னர் அங்கிருந்து திரும்பிய நிலையில் சாலையின் அருகே மது அருந்திவிட்டு பாட்டில்களை சாலையில் அடித்து நொறுக்கி வீடியோவாக பதிவு செய்தனர்.
அங்கிருந்த உள்ளூர்வாசிகள் சிலர் பார்த்துக் கொண்டிருந்த நிலையில் அவர்களின் செயல்களை கண்டித்தனர். அந்த இளைஞர்கள் அவர்களின் பேச்சை கண்டுக்காமல் அங்கிருந்து செல்ல முயற்சித்தனர். அந்த பகுதியை சேர்ந்த ஒரு பெண்மணி அவர்கள் சென்ற வாகனத்தை நிறுத்தும்படி கூறினார். “பாட்டில்கள் உடைத்த இடத்திற்கு சென்று சுத்தம் செய்யுங்கள்” என கூறினார். அந்த இளைஞர்கள் முடியாது எனக்கூறி நகர முயன்று வாக்குவாதத்தில் ஈடுபட்டனர். பின்னர் பொதுமக்கள் அனைவரும் சேர்ந்து சாலை ஓரத்தில் வீசிய பாட்டில்களின் துண்டுகளை எடுக்கும்படி இளைஞர்களை கட்டாயப்படுத்தியதால் வேறு வழியின்றி இளைஞர்கள் அந்த இடத்திற்கு சென்று பாட்டில் துண்டுகளை சுத்தம் செய்தனர்.
Very proud by what the Goa locals did here - not only did they get a deserving yelling but were made to pick up the pieces of the bottles they were smashing on side of the road.
— Sidharth Shukla (@sidhshuk) April 11, 2025
A few slaps would have been nice too! Should be done in HP too#goa #tourism #HimachalPradesh pic.twitter.com/ojsmD0efab
இதனை வீடியோவாக பதிவு செய்து சமூக வலைதளங்களில் பதிவிட்டுள்ளனர். “இவர்கள் வீதியில் பாட்டில்கள் உடைத்துக் கொண்டு அதனை வீடியோவாக பதிவு செய்து கொண்டிருந்தனர். அப்போது பொதுமக்கள் இந்த செயலை கண்டித்ததோடு பாட்டில்களின் துண்டுகளை அவர்களையே எடுக்க சொல்லி ஒழுங்கு கற்றுக் கொடுத்தார்கள்” என அந்த பெண் கூறியுள்ளார். இந்த வீடியோ சமூக வலைதளங்களில் வைரலாகி வரும் நிலையில் அநியாயம் நடக்கும் போது இப்படி பொதுமக்கள் ஒன்று சேர்ந்து பாடம் கற்றுத் தர வேண்டும் என நெட்டிசன்கள் கருத்து தெரிவித்து வருகின்றனர்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!