இது நம்ம பழைய விராட்... சிறுவயது ஸ்டைலுக்கு மாறிய கிங் கோலி!
ஐபிஎல் 2026 தொடரில் ராயல் சேலஞ்சர்ஸ் பெங்களூரு (RCB) அணிக்காக அதிரடி காட்டி வரும் விராட் கோலி, தற்போது தனது புதிய தோற்றத்தின் மூலம் ரசிகர்களை ஆச்சரியத்தில் ஆழ்த்தியுள்ளார். சமூக வலைதளங்களில் வைரலாகி வரும் அவரது லேட்டஸ்ட் புகைப்படங்களில், அவர் தனது சிறுவயதில் இருந்த ஹேர்ஸ்டைலுக்கு மீண்டும் மாறியிருப்பது தெரியவந்துள்ளது. விளம்பரப் படப்பிடிப்பு ஒன்றின் போது தனது பழைய புகைப்படங்களைப் பார்த்த கோலி, "இந்த ஹேர்ஸ்டைலின் பெயர் கட்டோரா கட் (Katora Cut)" என்று சிரித்தபடி கூறி, அதே பாணிக்குத் திரும்பியுள்ளது இணையத்தில் காட்டுத்தீயாகப் பரவி வருகிறது.
மைதானத்திற்கு வெளியே மட்டுமல்ல, மைதானத்திற்கு உள்ளேயும் கோலி தனது பழைய 'அக்ரசிவ்' பாணிக்குத் திரும்பியுள்ளதாக கிரிக்கெட் விமர்சகர்கள் கூறுகின்றனர். குறிப்பாக, ரவிச்சந்திரன் அஸ்வின் மற்றும் இர்ஃபான் பதான் ஆகியோர், கோலி தற்போது தனது பேட்டிங் உத்தியில் (Technique) சில மாற்றங்களைச் செய்துள்ளதாகக் குறிப்பிட்டுள்ளனர். டெஸ்ட் கிரிக்கெட்டில் இருந்து ஓய்வு பெற்ற பிறகு, அதிகக் கட்டுப்பாடுகள் இன்றி தனது சிறுவயதில் ஆடியதைப் போலவே கைகளைத் தாராளமாக வீசி (Free-flowing bat movement), அதிரடியாக விளையாடி வருவதாக அவர்கள் பாராட்டியுள்ளனர்.
ஐபிஎல் 2026-ன் முதல் இரண்டு போட்டிகளிலேயே 97 ரன்களைக் குவித்து, 173-க்கும் அதிகமான ஸ்டிரைக் ரேட்டில் மிரட்டி வரும் கோலி, இன்று ராஜஸ்தான் ராயல்ஸ் அணிக்கு எதிராக மோத உள்ளார். ஹேர்ஸ்டைல் முதல் பேட்டிங் வரை அனைத்திலும் தனது சிறுவயது உற்சாகத்தைப் பிரதிபலிக்கும் 'கிங்' கோலியின் இந்த மாற்றம், "பழைய கோலி இஸ் பேக்" என ரசிகர்களைக் குதூகலிக்க வைத்துள்ளது. ஆர்சிபி ரசிகர்கள் இப்போதே 'ஈ சாலா கப் நம்தே' என முழங்கத் தொடங்கிவிட்டனர்!
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!