எந்த ஊருக்கு எங்கிருந்து புறப்படும்? பொங்கலுக்கு 34,000 சிறப்புப் பேருந்துகள் அறிவிப்பு!
தமிழர் திருநாளாம் பொங்கல் பண்டிகையைத் தங்கள் சொந்த ஊர்களில் கொண்டாடச் செல்லும் மக்களுக்காகத் தமிழக அரசு பிரம்மாண்டமான போக்குவரத்துத் திட்டத்தை அறிவித்துள்ளது. வரும் ஜனவரி 9 முதல் ஜனவரி 14 வரை மொத்தம் 34,087 பேருந்துகள் தமிழகம் முழுவதும் இயக்கப்பட உள்ளன.
சென்னையில் போக்குவரத்து நெரிசலைக் குறைக்க, பேருந்துகள் செல்லும் வழித்தடங்களின் அடிப்படையில் மூன்று வெவ்வேறு இடங்களிலிருந்து இயக்கப்படுகின்றன:
கிளாம்பாக்கம் கலைஞர் நூற்றாண்டு பேருந்து முனையம் (KCBT): தென் மாவட்டங்களான மதுரை, திருநெல்வேலி, தூத்துக்குடி, கன்னியாகுமரி மற்றும் திருச்சி, தஞ்சாவூர், கும்பகோணம், சேலம், கோயம்புத்தூர் போன்ற ஊர்களுக்குச் செல்பவர்கள் இங்கிருந்து தான் பேருந்து ஏற வேண்டும். மேலும் புதுச்சேரி, கடலூர், சிதம்பரம் செல்பவர்களுக்கும் இதுவே தொடக்கப்புள்ளி.
கிளாம்பாக்கம் மாநகர பேருந்து முனையம் (MTC Terminal): திருவண்ணாமலை, வந்தவாசி, செய்யாறு, போளூர் ஆகிய ஊர்களுக்குச் செல்பவர்கள் கிளாம்பாக்கத்தில் உள்ள மாநகர பேருந்து முனையத்திற்குச் செல்ல வேண்டும்.
கோயம்பேடு (CMBT): காஞ்சிபுரம், வேலூர், பெங்களூரு, ஓசூர் மற்றும் திருத்தணி செல்பவர்கள் கோயம்பேடு செல்லலாம். கிழக்கு கடற்கரை சாலை (ECR) வழியாகச் செல்லும் பேருந்துகளும் இங்கிருந்தே கிளம்பும்.
மாதவரம் (MMBT): பொன்னேரி, கும்மிடிப்பூண்டி மற்றும் ஆந்திர மாநிலம் செல்லும் பேருந்துகள் இங்கிருந்து இயக்கப்படும்.
1. கோயம்பேடு To கிளாம்பாக்கம் - 24 மணி நேர வசதி: கோயம்பேட்டில் இருந்து கிளாம்பாக்கம் செல்லத் தயங்குபவர்களுக்காக, 24 மணி நேரமும் இணைப்புப் பேருந்துகள் (Link Buses) இயக்கப்படுகின்றன. இதனால் நீங்கள் எந்த நேரத்தில் கோயம்பேடு வந்தாலும் கிளாம்பாக்கம் செல்ல வசதி உண்டு.
2. கிளாம்பாக்கத்தில் 'பேட்டரி கார்' சேவை: கிளாம்பாக்கம் முனையம் மிகப்பரந்தது என்பதால், நடப்பதற்குச் சிரமப்படும் முதியவர்கள் மற்றும் மாற்றுத்திறனாளிகளுக்காக 10 மின்சார வாகனங்கள் இலவசமாக இயக்கப்படுகின்றன. இது பயணிகளைப் பேருந்து ஏறும் இடத்திற்கே கொண்டு சேர்க்கும்.
3. சுங்கச்சாவடிகளில் 'Express Way': பொங்கல் சமயத்தில் செங்கல்பட்டு, விக்கிரவாண்டி போன்ற சுங்கச்சாவடிகளில் நீண்ட நேரம் காத்திருப்பதைத் தவிர்க்க, அரசுப் பேருந்துகளுக்கு மட்டும் தனி வழித்தடங்கள் (Fast Lanes) அமைக்கப்பட்டுள்ளன. இது உங்கள் பயண நேரத்தைக் கணிசமாகக் குறைக்கும்.
4. அவசர உதவி எண்கள்: பயணத்தின் போது அதிகக் கட்டணம் வசூலித்தாலோ அல்லது வேறு புகார்கள் இருந்தாலோ 94450 14436 (அரசு பேருந்து) மற்றும் 1800 425 6151 (தனியார் ஆம்னி பேருந்து) ஆகிய எண்களைத் தொடர்பு கொள்ளலாம்.
முன்பதிவு செய்ய:
இப்போதே www.tnstc.in என்ற இணையதளம் மூலமாகவோ அல்லது TNSTC செயலியைப் பதிவிறக்கம் செய்தோ உங்கள் இருக்கையை உறுதி செய்து கொள்ளலாம். வாட்ஸ்அப் மூலம் புக் செய்ய 94440 18898 என்ற எண்ணைப் பயன்படுத்தலாம். பொங்கல் முடிந்து ஊர் திரும்ப ஜனவரி 16 முதல் 19 வரை சிறப்புப் பேருந்துகள் இயக்கப்படும் என்பதையும் நினைவில் கொள்ளுங்கள்.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!