18 வருட ஏக்கம் தணியுமா? இன்று இந்தியா - இங்கிலாந்து முதல் டெஸ்ட் போட்டி தொடக்கம்!

கிட்டத்தட்ட 18 வருட ஏக்கம் இது. ஒரு காலத்தில் அத்தனைப் பெருமையான கோப்பையாக இருந்தது. இப்போது இளைஞர்கள் சாதிப்பார்களா? என்கிற எதிர்பார்ப்பு எழுந்துள்ளது. இந்திய கிரிக்கெட் அணி இங்கிலாந்தில் சுற்றுப்பயணம் மேற்கொண்டு 5 போட்டிகள் கொண்ட டெஸ்ட் தொடரில் விளையாட உள்ள நிலையில், இன்று முதல் டெஸ்ட் போட்டி நடைபெற உள்ளது.

இந்த போட்டியில் சுப்மன் கில் தலைமையிலான இந்திய அணி விளையாட உள்ளது. இரு அணிகளுக்கு இடையிலான முதல் டெஸ்ட் போட்டி லீட்சில் இன்று மாலை இந்திய நேரப்படி 3.30 மணிக்கு தொடங்க உள்ளது. 

4வது உலக டெஸ்ட் சாம்பியன்ஷிப்புக்கு உட்பட்ட தொடரில் இந்திய அணியின் முதலாவது ஆட்டம் இதுவாக கருதப்படுகிறது. கேப்டன் ரோகித் சர்மா, நட்சத்திர வீரர் விராட் கோலி ஆகியோர் கடந்த மாதம் டெஸ்டில் இருந்து விடைபெற்றதால் புதிய கேப்டன் சுப்மன் கில் தலைமையில் இளம் வீரர்களை கொண்ட இந்திய அணி இந்த தொடரில் களம் இறங்குகிறது. 

சீனியர்கள் இல்லாத குறையை சமாளித்து இந்திய அணி எப்படி சாதிக்க போகிறது என்ற எதிர்பார்ப்பு நிலவுகிறது.  இந்திய அணி இங்கிலாந்துக்கு எதிராக அதன் சொந்த மண்ணில்  2007ம் ஆண்டு டெஸ்ட் தொடரை வென்றிருந்தது.

அதன்பின் தொடரை வெல்ல முடியாமல் தவித்து வருகிறது. அந்த 18 ஆண்டு கால ஏக்கத்தை புதிய கேப்டன் சுப்மன் கில் தணிப்பாரா? என்ற எதிர்பார்ப்பு ரசிகர்களிடையே எழுந்துள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க நட்சத்திரத்துக்கு லாபம் தரும் துறை எது