மாந்திரீகத்தால் கொடூரம்... ஒரே குடும்பத்தை சேர்ந்த 3 பேர் வெட்டிக் கொலை!

ஜார்கண்ட் மாநிலம் கோடா   மாவட்டத்தில், பில்லி சூனியம் வைப்பதாக ஏற்பட்ட சந்தேகத்தின் பேரில் ஒரே குடும்பத்தைச் சேர்ந்த மூன்று பேர் மிகக் கொடூரமாக வெட்டிக்கொலை செய்யப்பட்டுள்ளனர். டங்கா கிராமத்தைச் சேர்ந்த தர்பாரி முர்மு (50), அவரது மனைவி மக்கு பாஸ்கி (45) மற்றும் அவர்களது 12 வயது மகன் ஜித்நாராயண் முர்மு ஆகியோரே இந்த மூடநம்பிக்கைக்குப் பலியானவர்கள் ஆவர். கடந்த திங்கட்கிழமை நள்ளிரவு இவர்களது வீட்டிற்குள் புகுந்த ஒரு கும்பல், உறங்கிக் கொண்டிருந்தவர்களைக் கோடாரியால் சரமாரியாகத் தாக்கியதில் மூவரும் சம்பவ இடத்திலேயே ரத்த வெள்ளத்தில் உயிரிழந்தனர்.

சம்பவம் குறித்துத் தகவலறிந்த துணை கோட்ட போலீஸ் அதிகாரி (SDPO) அசோக் ரவிதாஸ் தலைமையிலான தனிப்படை விரைந்து வந்து உடல்களைக் கைப்பற்றியது. விசாரணையில், உயிரிழந்த குடும்பத்தினர் செய்வினை மற்றும் சூனிய வேலைகளில் ஈடுபடுவதாக அவர்களது உறவினர்களே சந்தேகித்து இந்தக் கொலையைச் செய்திருப்பது தெரியவந்தது. இது தொடர்பாகச் சந்த்லால் முர்மு, ஹேம்லால் முர்மு மற்றும் தலாபாபு முர்மு ஆகிய மூவரைப் போலீசார் அதிரடியாகக் கைது செய்துள்ளனர். கொலைக்குப் பயன்படுத்தப்பட்ட ரத்தக்கறை படிந்த கோடாரியும் சம்பவ இடத்திலிருந்து பறிமுதல் செய்யப்பட்டுள்ளது.

ஜார்கண்ட் மாநிலத்தின் சில பகுதிகளில் இது போன்ற மூடநம்பிக்கை சார்ந்த கொலைகள் தொடர்ந்து நடைபெற்று வருவது பெரும் கவலையை ஏற்படுத்தியுள்ளது. இந்த விவகாரத்தைத் தானாக முன்வந்து கையில் எடுத்துள்ள மாவட்ட சட்டப் பணிகள் ஆணையம் (DLSA), பாதிக்கப்பட்டவர்களின் குடும்பத்திற்குத் தேவையான உதவிகளை வழங்கவும், கிராமத்தில் விழிப்புணர்வு ஏற்படுத்தவும் குழு ஒன்றை அமைத்துள்ளது. தற்போது கைது செய்யப்பட்டுள்ள மூவர் மீதும் கொலை வழக்குப் பதிவு செய்யப்பட்டுத் தீவிர விசாரணை நடைபெற்று வருகிறது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!