யாருடன் கூட்டணி... நாளை அறிவிக்கிறார் தேமுதிக பிரேமலதா!
தேர்தல் திருவிழா களைக்கட்ட துவங்கியுள்ள நிலையில், யாருடன் கூட்டணி என்று நாளை அறிவிப்பதாக தேமுதிக பிரேமலதா கூறியிருப்பது தொண்டர்களிடையே எதிர்பார்ப்பை ஏற்படுத்த்தியுள்ளது. கடந்த சில நாட்களாகத் தமிழகத்தின் பல்வேறு மாவட்டங்களில் பூத் கமிட்டி நிர்வாகிகள் ஆலோசனைக் கூட்டத்தில் பங்கேற்று வரும் பிரேமலதா விஜயகாந்த், நாளை பிப்ரவரி 3ம் தேதி மறைந்த முன்னாள் முதல்வர் அண்ணாவின் நினைவு தினம் மற்றும் தேமுதிக-வின் முக்கியக் கூடுகை நடைபெற வாய்ப்புள்ளதால், நாளை தங்களது அரசியல் திசையை அதிகாரப்பூர்வமாக அறிவிக்கத் திட்டமிட்டுள்ளார்.
ஏற்கனவே நடந்த மாவட்டச் செயலாளர்கள் கூட்டத்தில், "கெளரவமான தொகுதிகளை (குறைந்தது 40 இடங்கள்) ஒதுக்கும் கட்சியுடன் மட்டுமே கூட்டணி வைக்க வேண்டும்" அல்லது "தனித்துப் போட்டியிட வேண்டும்" எனப் பலரும் வலியுறுத்தியுள்ளனர். "தேமுதிக இடம்பெறும் கூட்டணியே ஆட்சி அமைக்கும்; அந்த ஆட்சியில் தேமுதிக-விற்கு உரிய அதிகாரப் பங்கீடு இருக்க வேண்டும்" என்பதில் பிரேமலதா உறுதியாக உள்ளார்.
2026 தேர்தலைப் பொறுத்தவரை தமிழக அரசியல் களம் பல முனைப் போட்டிகளை நோக்கி நகர்ந்து வருகிறது: இரு பெரிய திராவிடக் கட்சிகளும் தங்களது கூட்டணிகளை வலுப்படுத்தி வருகின்றன. சமீபத்திய தகவல்களின்படி, அதிமுக கூட்டணியில் தேமுதிக நீடிப்பதற்கான பேச்சுவார்த்தைகள் ஒருபுறம் நடந்தாலும், தொகுதி எண்ணிக்கையில் இழுபறி நீடிப்பதாகக் கூறப்படுகிறது.
நடிகர் விஜய்யின் தமிழக வெற்றிக் கழகத்தின் வருகை, தேமுதிக போன்ற மாநிலக் கட்சிகளின் முடிவுகளில் முக்கியப் பங்கு வகிக்கிறது. விஜய்யுடன் கூட்டணி அமைய வாய்ப்புள்ளதா என்ற எதிர்பார்ப்பும் தொண்டர்கள் மத்தியில் உள்ளது.
ஏற்கனவே கடலூரில் ஜனவரி 9-ம் தேதி நடைபெறவிருந்த மாநில மாநாடு சில காரணங்களால் தள்ளிப்போன சூழலில், பிப்ரவரி 3-ம் தேதி மாநாட்டிற்கான புதிய தேதி மற்றும் கூட்டணி குறித்த 'மெகா' அறிவிப்பை எதிர்பார்க்கலாம்.
2011-ல் எதிர்க்கட்சித் தலைவராக கேப்டன் விஜயகாந்த் அலங்கரித்த அதே கம்பீரத்துடன், 2026-ல் தேமுதிக மீண்டெழ வேண்டும் என்பதே தொண்டர்களின் விருப்பமாக உள்ளது. "யாரிடமும் கையேந்த மாட்டோம், யாருக்கும் பயப்பட மாட்டோம்" என்ற விஜயகாந்தின் பாணியிலேயே பிரேமலதாவும் தனது பிரச்சாரங்களை முன்னெடுத்து வருகிறார். பிப்ரவரி 3-ம் தேதி தேமுதிக எடுக்கப்போகும் முடிவு, தமிழக அரசியலில் ஒரு புதிய திருப்புமுனையாக அமையும் என எதிர்பார்க்கப்படுகிறது.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!