மகளிர் பிக் பாஷ் லீக்: ஹோபார்ட் ஹரிகேன்ஸ் சாம்பியன் பட்டம் வென்று சாதனை!

ஆஸ்திரேலியாவில் நடந்த 11-வது மகளிர் பிக் பாஷ் லீக் (WBBL) டி20 தொடரின் இறுதிப் போட்டியில், பெர்த் ஸ்கார்ச்சர்ஸ் அணியை வீழ்த்தி, ஹோபார்ட் ஹரிகேன்ஸ் அணி அபார வெற்றி பெற்று சாம்பியன் பட்டத்தை வென்றது. தொடக்க வீராங்கனை லிசெல் லீயின் அதிரடி ஆட்டத்தால், இலக்கை எளிதாக எட்டிய ஹோபார்ட் அணி கோப்பையைக் கைப்பற்றியது.

இறுதிப் போட்டியில் ஹோபார்ட் ஹரிகேன்ஸ் மற்றும் பெர்த் ஸ்கார்ச்சர்ஸ் அணிகள் மோதின. முதலில் டாஸ் வென்று ஆடிய பெர்த் ஸ்கார்ச்சர்ஸ் அணி, நிர்ணயிக்கப்பட்ட 20 ஓவர்களில் 5 விக்கெட்டுகளை இழந்து 137 ரன்கள் எடுத்தது. 

HOBART'S HEROES 💜

The @HurricanesBBL have won their first WBBL title in #WBBL11 🏆 pic.twitter.com/3zVGaoqfDD

— Weber Women's Big Bash League (@WBBL) December 13, 2025

பெர்த் அணியில் சோபி டிவைன் 34 ரன்களும், பெத் மூனி 33 ரன்களும் அதிகபட்சமாக எடுத்தனர். ஹோபார்ட் தரப்பில் லின்சே ஸ்மித் மற்றும் ஹீதர் கிரஹாம் தலா 2 விக்கெட்டுகளை வீழ்த்தினர்.

138 ரன்கள் அடித்தால் வெற்றி என்ற இலக்குடன் களமிறங்கிய ஹோபார்ட் ஹரிகேன்ஸ் அணிக்கு, தொடக்க ஆட்டக்காரர் லிசெல் லீ அதிரடியாக விளையாடி வெற்றியை உறுதி செய்தார். மற்ற வீராங்கனைகள் நிலைத்து நிற்க, அணியின் வெற்றி வேகமெடுத்தது.

வெறும் 15 ஓவர்களிலேயே ஹோபார்ட் ஹரிகேன்ஸ் அணி 2 விக்கெட்டுகளை மட்டுமே இழந்து, 141 ரன்கள் குவித்து 8 விக்கெட் வித்தியாசத்தில் அபார வெற்றியைப் பதிவு செய்தது. லிசெல் லீ ஆட்டமிழக்காமல் 77 ரன்கள் குவித்து அணியைச் சாம்பியனாக்கினார். ஆட்ட நாயகியாக லிசெல் லீ தேர்வு செய்யப்பட்டார்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!