ஆன்லைனில் பதிவிறக்கம் செய்யலாம்!

 
பிளஸ் 2 துணைத் தேர்வுக்குரிய ஹால்டிக்கெட்டுகள்  ஜூன் 25 முதல்  ஆன்லைனில் பதிவிறக்கம் செய்து கொள்ளலாம் என்று தேர்வுத்துறை அறிவித்துள்ளது. இது குறித்து  அரசு தேர்வுகள் இயக்ககம் இன்று வெளியிட்டுள்ள அறிக்கையில் மார்ச் மாதம் நடந்த பிளஸ் 2 தேர்வில் ஓரிரு பாடங்களில் தோல்வி அடைந்த மாணவ மாணவியருக்கு தற்போது துணைத் தேர்வு நடக்க இருக்கிறது. இந்த தேர்வில் கலந்து கொள்ள  விண்ணப்பித்தவர்களுக்கான  ஹால்டிக்கெட்டுகள் தேர்வுத்துறை இணைய தளத்தில் பதிவேற்றம் செய்யப்பட்டுள்ளன.

இந்த தேர்வை எழுத விண்ணப்பித்துள்ள மாணவ, மாணவியர்  25ம்தேதி பிற்பகல் முதல் www.dge.tn.gov.in என்ற அதிகாரப்பூர்வ இணையதளத்தில் இருந்து தங்களுக்கான ஹால்டிக்கெட்டுகளை பதிவிறக்கம் செய்து கொள்ளலாம். தனித்தேர்வர்களாக தேர்வு எழுத விண்ணப்பித்து இருப்பவர்கள்  மேற்கண்ட இணைய தளத்தில் தங்களின் விண்ணப்ப எண் அல்லது நிரந்தரப் பதிவு எண் மற்றும் பிறந்த தேதியை பதிவு செய்து பதிவிறக்கம் செய்து கொள்ளலாம்.  செய்முறைத் தேர்வுக்கான தேதி குறித்த விவரங்களை தனித் தேர்வர்கள் தமக்கு ஒதுக்கீடு செய்துள்ள தேர்வு மையத்தின் முதன்மைக் கண்காணிப்பாளர்களை அணுகி அறிந்து கொள்ள வேண்டும். உரிய தேர்வுக்கூட நுழைவுச்சீட்டு இன்றி எந்த ஒரு தேர்வரும் தேர்வு எழுத அனுமதிக்கப்பட மாட்டார்கள்.

துணைத்தேர்வுக்கான தேர்வு அட்டவணை இணைய தளத்தில் அறிந்து கொள்ளலாம். அதேபோன்று, 10ம் வகுப்பு அறிவியல் பாட செய்முறைத் தேர்விற்காக விண்ணப்பித்துள்ள தனித்தேர்வர்கள் ஜூன் 26ம்தேதி வியாழக்கிழமை முதல் 28ம்தேதி வரை நாட்களில் அறிவியல் பாட செய்முறைப் பயிற்சி வகுப்புகள் நடைபெற்ற பள்ளிகளில்  செய்முறைத் தேர்வு நடைபெற உள்ளது. இத்தேர்வர்கள் தேர்வுக்கு முன்கூட்டியே செய்முறைத் தேர்வு நடத்தப்பட உள்ள பள்ளிகளின் விவரங்களை, சம்பந்தப்பட்ட மாவட்ட கல்வி அலுவலர்களை நேரில் அணுகி பெற்ற கொள்ள அறிவுறுத்தப்படுகின்றனர்.  ஹால் டிக்கெட் இல்லாமல் எந்த ஒரு தேர்வரும் தேர்வெழுத அனுமதிக்கப்படமாட்டார்கள் எனக்  கூறப்பட்டுள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க நட்சத்திரத்துக்கு லாபம் தரும் துறை எது