“பணம் தராம எதுவுமே செய்ய முடியாது...” பட்டா மாறுதலுக்கு கறார் காட்டிய விஏஓ கைது!

புதுக்கோட்டை மாவட்டம் விராலிமலை அருகே பட்டா மாறுதல் செய்து கொடுக்க லஞ்சம் வாங்கிய கிராம நிர்வாக அலுவலரை, லஞ்ச ஒழிப்பு போலீசார் ரசாயனம் தடவிய நோட்டுகளைக் கொடுத்துக் கையும் களவுமாகப் பிடித்துக் கைது செய்தனர்.

புதுக்கோட்டை மாவட்டம் விராலிமலை தாலுகாவிற்கு உட்பட்ட பேராம்பூர் கிராமத்தில் கிராம நிர்வாக அலுவலராக (VAO) ஜான் அருளப்பன் என்பவர் பணியாற்றி வருகிறார். இந்நிலையில், மலம்பட்டி பகுதியைச் சேர்ந்த அருளானந்தம் என்பவர், தனது நிலத்திற்கான பட்டா மாறுதல் (Patta Transfer) பணிக்காக விஏஓ ஜான் அருளப்பனை அணுகியுள்ளார். அப்போது, இந்தப் பணியைச் செய்து கொடுக்க ஜான் அருளப்பன் ரூ. 6,000 லஞ்சமாக வழங்க வேண்டும் என்று கறாராகக் கேட்டுள்ளார்.

லஞ்சம் கொடுக்க விரும்பாத அருளானந்தம், இது குறித்து புதுக்கோட்டை மாவட்ட லஞ்ச ஒழிப்புத் துறை போலீசாரிடம் புகார் அளித்தார். புகாரைப் பெற்றுக்கொண்ட போலீசார், லஞ்ச விஏஓ-வைப் பிடிக்கத் திட்டமிட்டனர். போலீசாரின் அறிவுறுத்தலின்படி, ரசாயனம் தடவிய ரூ. 6,000 பணத்தை அருளானந்தம் இன்று விஏஓ அலுவலகத்திற்கு எடுத்துச் சென்றார். அங்கே ஜான் அருளப்பனிடம் அந்தப் பணத்தைக் கொடுத்தபோது, அங்கு மறைந்திருந்த லஞ்ச ஒழிப்புத் துறை போலீசார் அதிரடியாக உள்ளே நுழைந்தனர்.

ரசாயனம் தடவிய பணத்தை வாங்கிய ஜான் அருளப்பனின் கைகளைச் சோதனை செய்தபோது, அவர் லஞ்சம் வாங்கியது உறுதி செய்யப்பட்டது. இதனைத் தொடர்ந்து அவரை போலீசார் கையும் களவுமாகப் பிடித்துக் கைது செய்தனர்.

கைது செய்யப்பட்ட விஏஓ ஜான் அருளப்பனிடம் போலீசார் தொடர்ந்து விசாரணை நடத்தி வருகின்றனர். அரசுப் பணியில் இருந்துகொண்டு பட்டா மாறுதலுக்கு லஞ்சம் வாங்கிய அதிகாரி கைது செய்யப்பட்ட சம்பவம், விராலிமலை மற்றும் பேராம்பூர் பகுதியில் பெரும் பரபரப்பை ஏற்படுத்தியுள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!