தீயாய் பரவுது மெட்ராஸ் ஐ!! என்ன செய்யலாம்? என்ன செய்யக்கூடாது?!
கடந்த 2 ஆண்டுகளாக கொரோனா காரணமாக பல்வேறு தடுப்பு முறைகளும், முன்னெச்சரிக்கை நடவடிக்கைகளும் மேற்கொள்ளப்பட்டு வந்தன. தற்போது தடுப்பூசிகளால் கட்டுக்குள் கொண்டு வரப்பட்டுள்ளது . தற்போது கடந்த சில வாரங்களாக குழந்தைகள் முதல் பெரியவர்கள் வரை பாரபட்சமின்றி மெட்ராஸ் ஐ என்ற கண்நோய் பரவி வருகிறது.
இந்த நோய் கண்ணில் கன்சங்டிவா என்ற விழி வெண் படலத்தில் உருவாவதாக மருத்துவ நிபுணர்கள் தெரிவித்துள்ளனர்.
இது அடினோ வைரஸ் என்ற கிருமியினால் வருகிறது. இந்நிலையில், 'மெட்ராஸ் ஐ' பரவல் குறித்து மக்கள் நல்வாழ்வுத்துறை அமைச்சர் மா.சுப்பிரமணியன் செய்திக்குறிப்பு ஒன்றை வெளியிட்டுள்ளார். அதில் தமிழகத்தில் செப்டம்பர் முதல் வாரத்தில் இருந்து 'மெட்ராஸ் ஐ' தீவிரமாக பரவத் தொடங்கியுள்ளது.
மெட்ராஸ் ஐ பாதித்தவர்கள் கட்டாயம் கடைப்பிடிக்க வேண்டியவை:
கண்ணில் உறுத்தல், சிவந்த நிறம், அதிக கண்ணீர், வீக்கம் இவையே 'மெட்ராஸ் ஐ' யின் அறிகுறிகள்
மெட்ராஸ் ஐ வந்தவர்கள் 4 நாட்கள் தனிமைப்படுத்திக் கொள்ள வேண்டும்.
கண் நோயால் பாதிக்கப்பட்டவர் மொபைல் பார்ப்பதை அறவே தவிர்க்க வேண்டும்.
நீர்ச்சத்து மிகுந்த உணவுகளை எடுத்துக் கொள்ள வேண்டும்.
கண்ணுக்கு நல்ல ஓய்வு கொடுப்பது அவசியம்.
இவைகளை தொடர்ந்து கடைப்பிடித்தாலே விரைவில் குணமடையலாம்.
மெட்ராஸ் ஐ பாதித்தவர்கள் பயன்படுத்திய பொருட்களை மற்றவர்கள் பயன்படுத்தக் கூடாது.
சுயமாக மருந்து எடுத்துக்கொள்ளக்கூடாது
கண்களில் நீர் வடிவது நிற்கும் வரை பள்ளிகள், அலுவலகங்களுக்கு செல்வதை தவிர்ப்பது நல்லது.
மருத்துவர்கள் ஆலோசனையின் பேரில் மட்டுமே மருந்துகளை எடுத்துக் கொள்ள வேண்டும்.
சுயமருத்துவம் , மருந்தகங்களில் தாமாக கண்களுக்கு மருந்து வாங்கி விடுதலை அறவே தவிர்க்க வேண்டும்.
டிசம்பர் 2வது வாரத்திற்குள் 'மெட்ராஸ் ஐ' கட்டுப்படுத்தப்படும். தற்போது தமிழகத்தில் தினசரி 4,500 பேர் வரை மெட்ராஸ் ஐ நோயால் பாதிக்கப்பட்டு வருகின்றனர். மெட்ராஸ் ஐ பரவுவதை கட்டுப்படுத்த தற்காலிக மருத்துவ மையங்கள் அமைக்கப்பட்டு வருகின்றன. இதன் மூலம் தீவிர சிகிச்சை அளிக்கப்பட்டு நிலைமை கட்டுக்குள் கொண்டுவர அனைத்து உத்தரவுகளும் பிறப்பிக்கப்பட்டுள்ளன. தமிழகம் முழுவதும் இதுவரை 1.50 லட்சம் பேருக்கு மெட்ராஸ் ஐ சிகிச்சை அளிக்கப்பட்டுள்ளது. மெட்ராஸ் ஐ விரைந்து பரவும் தன்மை கொண்டதால் மக்கள் சுயசிகிச்சை எடுத்துக் கொள்ளக்கூடாது என அறிவுறுத்தியுள்ளார்.
சபரிமலை போறீங்களா?! 60 நாட்களுக்கு உணவு, தங்குமிடம் எல்லாமே இங்கே ஃப்ரீ தான்!!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!!
என் குளியலறைக்கு பூட்டு இல்ல!! ஜான்வி ஜாலி ரவுண்ட் அப் !!