கொடுமை... நிரபராதியை 58 வருடங்கள் ஜெயிலில் அடைத்துவிட்டு, விடுதலை செய்த பின் மன்னிப்பு கோரிய காவல்துறை!

58 வருட சிறைத்தண்டனைக்குப் பிறகு தவறாக மரண தண்டனை விதிக்கப்பட்ட ஒருவருக்கு சில வாரங்களுக்கு முன்பு விடுவிக்கப்பட்டதைத் தொடர்ந்து ஜப்பான் காவல்துறைத் தலைவர் நேரில் மன்னிப்புக் கோரியுள்ளார். ஜப்பானைச் சேர்ந்த ஐவா ஹகமடா (88) முன்னாள் குத்துச்சண்டை வீரர். அவர் ஆகஸ்ட் 1966 இல் மத்திய ஜப்பானில் உள்ள ஹமாமட்சுவில் ஒரு மிசோ பீன் பேஸ்ட் நிறுவனத்தின் ஊழியரையும் அவரது குடும்பத்தைச் சேர்ந்த மூன்று பேரையும் கொலை செய்ததற்காக கைது செய்யப்பட்டார். இந்த வழக்கில் ஹகமடாவுக்கு எதிராக காவல்துறை மற்றும் வழக்கறிஞர்கள் ஆதாரங்களை சமர்ப்பித்துள்ளனர்.

பல நாட்கள் விசாரணைக்குப் பிறகு, அவருக்கு எதிராக வன்முறையில் ஈடுபட்டு தண்டனையைப் பெறும்படி வற்புறுத்தினார்கள். 1968ல் நீதிமன்ற தீர்ப்பால் அவருக்கு மரண தண்டனை விதிக்கப்பட்டது. இருப்பினும், மீண்டும் மீண்டும் மேல்முறையீடு செய்ததாலும், மறுவிசாரணை கோரியதாலும் அவர் தூக்கிலிடப்படவில்லை. அவரது முதல் மேல்முறையீட்டு மனுவை 30 ஆண்டுகளுக்குப் பிறகு ஐகோர்ட் தள்ளுபடி செய்தது. 2008 இல் அவரது சகோதரி தாக்கல் செய்த இரண்டாவது மேல்முறையீட்டு மனு 2014 இல் விசாரணைக்கு வந்தது. நீதிமன்றம் மரண தண்டனையை ரத்து செய்து விசாரணைக்கு தடை விதித்தது. இதற்கிடையில், ஷிசுவோகா மாவட்ட நீதிமன்றம் இந்த மாத தொடக்கத்தில் அரசுத் தரப்பு மேல்முறையீட்டை நிராகரித்து, ஹகமடாவை விடுதலை செய்தது.

இதனால், கிட்டத்தட்ட 60 ஆண்டுகால சட்டப் போராட்டம் முடிவுக்கு வந்துள்ளது. விடுதலை செய்யப்பட்டதைத் தொடர்ந்து, சிஷோகா நகர காவல்துறைத் தலைவர் தகயோஷி சுடா நேற்று (அக்.21) ஹகமடாவை அவரது சகோதரியுடன் வீட்டில் சந்தித்து காவல்துறை சார்பில் மன்னிப்புக் கேட்டார். "இந்த 58 ஆண்டுகால தண்டனையின் போது உங்களுக்கு நடந்த துயரத்தையும் வலியையும் ஏற்படுத்தியதற்காக நாங்கள் வருந்துகிறோம்" என்று கூறிய காவல்துறை அதிகாரி, "சரியான விசாரணையின்றி உங்களுக்குத் தண்டனை வழங்கியதற்கு எங்களை மன்னியுங்கள்" என்று ஹகமடாவின் முன் பணிந்து கூறினார். இனிமேல் வழக்குகளை முறையாக விசாரிப்பதாக உறுதியளித்தார்.

அக்டோபரில் பிறந்தவங்க அதிர்ஷ்டசாலிகள்... இது எல்லாமே அவங்களோட இயல்புகளா இருக்கும்!

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை...

 ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க

இந்த 8 நட்சத்திரக்காரர்களுக்கு அதிர்ஷ்ட மழை... வாய்ப்பை பயன்படுத்திக்கோங்க!