பிரபல மருத்துவர் நல்லி யுவராஜ் காலமானார்... ராமதாஸ் இரங்கல்!

பிரபல முதுகுதண்டுவட அறுவை சிகிச்சை வல்லுநர்  மருத்துவர் நல்லி யுவராஜ் காலமானார். அவரது மறைவுக்கு பலரும் இரங்கல் தெரிவித்து வருகின்றனர். இந்நிலையில், பாமக நிறுவனர் டாக்டர் ராமதாஸ் இரங்கல் தெரிவித்து தனது ட்விட்டர் பக்கத்தில் பகிர்ந்துள்ளார்.

அவர் ட்விட்டர் பக்கத்தில் பகிர்ந்துள்ள இரங்கல் செய்தியில், “சென்னை மருத்துவக் கல்லூரியின் பேராசிரியரும் புகழ்பெற்ற முதுகு தண்டுவட  அறுவை சிகிச்சை வல்லுனருமான மருத்துவர் இரா யுவராஜ் உடல்நலக்குறைவால் காலமானார் என்பதை அறிந்து பெரும் அதிர்ச்சியும் வேதனையும் அடைந்தேன்.

மருத்துவர் நல்லி யுவராஜ் அவர்களின் தந்தை நல்லி இராமநாதன் எனது குடும்ப நண்பர். சமூக முன்னேற்ற சங்கத்தின் தலைவராக இருந்து சிறப்பாக பணியாற்றியவர்.  அந்த வகையில் அவரது புதல்வரான மருத்துவர் நல்லி யுவராஜ் குழந்தை பருவத்தில் இருந்தே எங்கள் குடும்பத்தில் ஒருவராக வளர்ந்தார்.  அவர் மருத்துவ பட்டம் பெற்ற போதும், உயர் சிறப்பு படிப்புகளை முடித்து புகழ்பெற்ற மருத்துவராக உயர்ந்த போதும் நான் மிகுந்த மகிழ்ச்சி அடைந்தேன். மருத்துவத்துறையில் அவர் ஏராளமான சாதனைகளை நிகழ்த்தியுள்ளார். இன்னும் புதிய உயரங்களுக்கு அவர் சென்றிருப்பதற்கான அனைத்து வாய்ப்புகளும் இருந்தன. அதற்குள்ளாகவே காலம் அவரை நம்மிடம் இருந்து பறித்து கொண்டதை தாங்கிக் கொள்ள முடியவில்லை. 

மருத்துவர் நல்லி யுவராஜ் உடல் நலத் குறைவால் பாதிக்கப்பட்டு மருத்துவம் பெற்று வந்தபோது அவர் விரைவில் நலம் அடைந்து மருத்துவ பணியை தொடர்வார் என்று உறுதியாக நம்பினேன். ஆனால் எதிர்பார்ப்புகளுக்கு எல்லாம் மாறாக அவர் ஒப்பீட்டு அளவில் இளம் வயதில் உயிரிழந்திருப்பது மிகுந்த ஏமாற்றத்தையும் வருத்தத்தையும் அளிக்கிறது.  அவரது மறைவு மருத்துவ துறைக்கு பேரிழப்பு என்பதில் எந்த ஐயமும் இல்லை.

மருத்துவர் நல்லி யுவராஜ் அவர்களை இழந்து வாடும் அவரது தந்தை நல்லி இராமநாதன் மற்றும் குடும்பத்தினர், மருத்துவத்துறை நண்பர்கள் உள்ளிட்ட அனைவருக்கும் எனது ஆழ்ந்த இரங்கலையும் அனுதாபங்களையும் தெரிவித்துக் கொள்கிறேன்” என்று பதிவிட்டுள்ளார்.

அக்டோபரில் பிறந்தவங்க அதிர்ஷ்டசாலிகள்... இது எல்லாமே அவங்களோட இயல்புகளா இருக்கும்!

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை...

 ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க

இந்த 8 நட்சத்திரக்காரர்களுக்கு அதிர்ஷ்ட மழை... வாய்ப்பை பயன்படுத்திக்கோங்க!